Христос
Запалити свічку
Зараз горять свічки
Будьте першим, хто запалить свічку перед цим святим образом.
Подати записку
Піднесіть святому образу прикрасу на знак подяки за чудо або сповнення молитви.
Головний образ Христа, що тримає Євангеліє і благословляє.
Святого преподобного Іринарха, затворника Ростовського
Тропарь, глас 4-й:
Яко мученика добропроизвольна и преподобных удобрение, звезду Ростовскую, в затворе, узах и веригах Господеви благоугодившаго и чудес благодать от Него приемшаго, Иринарха предивнаго песньми хвалебными почтим и, к нему припадающе, умильно глаголем: отче преподобне, моли Христа Бога спастися душам нашим.
Кондак, глас 2-й:
Волнений множество жестоким житием преходя, изгнания, затвор и узы железныя претерпел еси мужески, Иринарше терпеливодушне, нам оставль образ злострадания и терпения твоего, озаряя чудес блистаньми с верою приходящих к честному гробу твоему, у негоже, яко почесть победную, вериги твоя тяжкия видим, от нихже подаеши исцеления недужным. Сего ради зовем ти: радуйся, Иринарше, отче предивный.
Молитва:
О, преподобне отче Иринарше! Се мы молим тя усердно: буди ходатай наш присный, испроси нам от Христа Бога мир, тишину, благоденствие, здравие и спасение, и от всех врагов видимых и невидимых ограждение, покрый же нас ходатайством твоим от нахождения всяких бед и скорбей, паче же от искушения врага темнаго, да вси мы с тобою прославляем всесвятое имя Отца и Сына и Святаго Духа, ныне и присно и во веки веков. Аминь.