Христос
Піднесіть святому образу прикрасу на знак подяки за чудо або сповнення молитви.
Молитва про тих, хто перебуває в забороні і себе клятвою пов'язав
Молитва читается священником
Владыко Господи Боже наш, Единородный Сыне и Слово Отчее, иже всяк соуз грех наших, Твоею страстию растерзавый, Иже дунувый на лица Твоим Апостолам и рек им: Приимите Духа Святаго, и ихже аще оставите грехи, оставятся им, и ихже аще держите, удержатся. Ты Сам, Владыко, святыми Твоими Апостолы даровал еси по времени священнодействующым во святей Твоей Церкви на земле оставляти грехи, и вязати и решити всякий соуз неправды: молимся убо и ныне о брате нашем (имя) предстоящем пред Тобою, подаждь ему Твою милость, разреши его соуз греховный, аще что в неведении, или небрежении глагола, или от малодушия содела, ведый человеческую немощь, яко Человеколюбец и благ, Владыка, вся вольныя и невольныя грехи прости ему, яко Ты еси милуяй окованныя, возставляяй низверженныя, надежде ненадеющихся, упокоение падших, и раба Твоего сего свободи от соуза греховнаго. Яко прославися Твое всесвятое имя, со Безначальным Твоим Отцем, и Святым Духом, ныне и присно, и во веки веков. Аминь.