Христос

Тропарь, глас 4-й:
Союзом любве апостолы Твоя связавый, Христе, и нас, Твоих верных рабов к Себе тем крепко связав, творити заповеди Твоя и друг друга любити нелицемерно сотвори, молитвами Богородицы, Едине Человеколюбче.

Кондак, глас 5-й:
Пламенем любве распали к Тебе сердца наша, Христе Боже, да тою разжигаеми, сердцем, мыслию же и душею, и всею крепостию нашею возлюбим Тя, и искренняго своего яко себе, и повеления Твоя храняще славим Тя, всех благ Дателя.

Прокимен, глас 7-й:
Возлюблю Тя, Господи, крепосте моя, Господь утверждение мое.

Евангелие от Иоанна, гл.13, ст.31-3: Егда изыде, глагола Иисус: ныне прославися Сын Человеческий, и Бог прославися о нем; аще Бог прославися о нем, и Бог прославит его в себе, и абие прославит его. Чадца, еще с вами мало есмь: взыщете Мене, и якоже рех Иудеом, яко аможе Аз иду, вы не можете приити: и вам глаголю ныне. Заповедь новую даю вам, да любите друг друга: якоже возлюбих вы, да и вы любите себе; о сем разумеют вси, яко мои ученицы есте, аще любовь имате между собою.

Из ектении: Господи, Боже наш, милостиво, яко Благ, призри на изсохшую в любви землю сердца нашего, и тернием ненависти, самолюбия же, и неисчетных беззаконий люте оледеневшую: и каплю благодати Пресвятого Твоего Духа испустив, богато ороси ю, во еже плодоносити, и возрастати от горящия к Тебе любве, всех добродетель корень страх Твой, и о искренняго спасении неленостное попечение, всех же страстей и многообразных лукавств, и лицемерия искоренение, прилежно яко всех Благодетеля молим, скоро услыши и человеколюбно помилуй...

Причастен: Заповедь новую даю вам, да любите друг друга, якоже Аз возлюбих вы, рече Господь.

Ти, Ісусе Христе, зв’язав Апостолів Твоїх Союзом любові, тому і нас вірних слуг Твоїх до Себе цим Союзом прив’яжи, щоб ми виконували Заповіти Твої, щоб ми один одного нелицемірно любили, через наші молитви до Богородиці і Всіх Святих. Амінь.

Кондак, глас 5

Полум’ям любови розпали до Тебе серця наші, Христе Боже, щоб, нею розпалені, серцем, думкою, душею і всією кріпостю нашою полюбили Тебе і ближнього свого як себе самих і, повеління Твої зберігаючи, славили Тебе, всіх благ Подателя.