Андрій
Первозванный апостол з 12-ти, сщмч.
Піднесіть святому образу прикрасу на знак подяки за чудо або сповнення молитви.
Будьте першим, хто запалить свічку перед цим святим образом.
Апостол Андрій Первозванний був родом із Галілеї. Ця північна частина Святої Землі вирізнялася родючістю та мальовничістю, а її жителі — добродушністю та гостинністю. Галілеяни легко вживалися з греками, які у великій кількості населяли їхню країну; багато хто розмовляв грецькою і навіть мав грецькі імена. Ім’я Андрій — грецьке і в перекладі означає «мужній».
Коли Іоанн Хреститель почав проповідувати на берегах Йордану, Андрій разом з Іоанном Зеведеєвим (який походив з ним з одного міста — Віфсаїди) пішов за пророком, сподіваючись у його вченні знайти відповідь на свої духовні питання. Багато хто почав думати, що, можливо, Іоанн Хреститель і є очікуваний Месія, але він пояснив людям, що він не Месія, а посланий лише приготувати Йому шлях. У той час Господь Ісус Христос прийшов до Іоанна Хрестителя на Йордан для Хрещення, і той, вказуючи на Господа, сказав своїм учням: «Ось Агнець Божий, Який бере на Себе гріхи світу». Почувши це, Андрій з Іоанном пішли за Ісусом. Господь, побачивши їх, запитав: «Чого ви шукаєте?» Вони сказали: «Равві (Учителю), де Ти живеш?» — «Підіть і побачите», — відповів Ісус, і з того часу вони стали Його учнями. Цього ж дня апостол Андрій пішов до свого брата Симона Петра і сказав йому: «Ми знайшли Месію». Так Петро приєднався до учнів Христових.
Однак апостоли не одразу цілком присвятили себе апостольському служінню. З Євангелія ми знаємо, що брати Андрій і Симон Петро, а також брати Іоанн та Іаков мали на якийсь час повернутися до своїх сімей і зайнятися своєю звичною роботою — рибальством. Кілька місяців по тому Господь, проходячи повз Галілейське озеро і побачивши їх під час риболовлі, сказав: «Ідіть за Мною, і Я зроблю вас ловцями людей». Тоді вони залишили свої човни та сіті і з того дня стали невідлучними учнями Христовими.
Після Зішестя Святого Духа на апостолів святий Андрій вирушив із проповіддю Слова Божого у східні країни. Він пройшов Малу Азію, Фракію, Македонію, дійшов до Дунаю, пройшов узбережжя Чорного моря, Крим, Причорномор’я і Дніпром піднявся до місця, де тепер стоїть місто Київ. Тут він зупинявся біля Київських гір на нічліг. Вставши вранці, він сказав учням, що були з ним: «Чи бачите гори ці? На цих горах засяє благодать Божа, буде велике місто, і Бог зведе багато церков». Апостол піднявся на гори, благословив їх і спорудив хрест. Помолившись, він піднявся ще вище Дніпром і дійшов до поселень слов’ян, де згодом було засновано Новгород. Звідси апостол пройшов через землі варягів до Рима для проповіді і знову повернувся до Фракії, де в невеликому селенні Візантії, майбутньому могутньому Константинополі, заснував християнську Церкву. Ім’я святого апостола Андрія пов’язує Матір-Церкву Константинопольську з її дочкою — Руською Церквою.
На своєму шляху Первозванний апостол зазнав багато скорбот і мук від язичників: його виганяли з міст, били. У Синопі його побили камінням, але, залишившись неушкодженим, вірний учень Христів невпинно ніс людям проповідь про Спасителя. За молитвами апостола Господь звершував чудеса. Трудами святого апостола Андрія виникали християнські Церкви, в яких він висвячував єпископів та священство.
Останнім містом, куди прийшов Первозванний апостол і де йому судилося прийняти мученицьку кончину, було місто Патри, розташоване біля Коринфської затоки. Багато чудес явив Господь через Свого учня в Патрах. Недужі зцілювалися, сліпі прозрівали. За молитвою апостола одужав тяжкохворий Сосій, знатний городянин; покладанням апостольських рук зцілилися Максимілла, дружина правителя Патрського, та його брат Стратоклій. Звершені апостолом чудеса і його полум’яне слово просвітили істинною вірою майже всіх громадян міста Патри. Небагато залишалося язичників у Патрах, серед них був правитель міста Егеат. Апостол Андрій не раз звертався до нього зі словами Благовістя. Але навіть чудеса апостола не напоумили Егеата. Святий апостол з любов’ю і смиренням взивав до його душі, прагнучи відкрити йому християнську таємницю вічного життя, чудотворну силу Святого Хреста Господнього.
Розгніваний Егеат наказав розіп’яти апостола. Язичник думав зганьбити проповідь святого Андрія, якщо віддасть його смерті на хресті, який прославляв апостол. З радістю прийняв святий Андрій Первозванний рішення правителя і з молитвою до Господа сам зійшов на місце страти. Щоб подовжити муки апостола, Егеат наказав не прибивати руки і ноги святого, а прив’язати їх до хреста. Два дні апостол із хреста навчав містян, що зібралися навколо. Люди, які слухали його, всією душею співчували йому і вимагали зняти святого апостола з хреста. Злякавшись народного обурення, Егеат наказав припинити страту. Але святий апостол почав молитися, щоб Господь сподобив його хресної смерті. Як не намагалися воїни зняти апостола Андрія, руки їм не корилися. Розіп’ятий апостол, віддавши Богу хвалу, промовив: «Господи, Ісусе Христе, прийми дух мій». Тоді яскраве сяйво Божественного світла осяяло хрест і розіп’ятого на ньому мученика. Коли сяйво зникло, святий апостол Андрій Первозванний уже віддав свою святу душу Господу († 62). Максимілла, дружина правителя, зняла з хреста тіло апостола і з честю поховала його.
Через кілька століть, за імператора Костянтина Великого, мощі святого апостола Андрія були урочисто перенесені до Константинополя і покладені в храмі Святих Апостолів поруч із мощами святого євангеліста Луки та учня апостола Павла — апостола Тимофія.
Акафіст святому апостолу Андрію Первозванному
Конда́к 1
Первозва́ннаго апо́стола Христо́ва, Ева́нгелия Свята́го пропове́дника, Руси богодухнове́ннаго просвети́теля, Андре́я пресла́внаго, пе́сньми восхва́лим, стоя́ще на версе́ холма́, иде́же Кре́ст водрузи́ десни́ца его́, и ему́ я́ко Це́ркве возсле́дователю верхо́вному, в сле́д себе́ указа́вшему е́й пу́ть ко Христу́, во умиле́нии воззове́м:
Ра́дуйся, Андре́е, апо́столе Христо́в Первозва́нный.
И́кос 1
А́нгел благове́стник А́гнца Христа́, взе́млющаго грехи́ ми́ра, бы́л еси́ Андре́е апо́столе, и с Ни́м во ве́ки пребыва́еши на небеси́; отону́дуже и при́зри на пе́ния, приноси́мая тебе́ во хра́ме твое́м, на ме́сте, иде́же стоя́сте но́зе твои́, и я́ко бога́т сы́й благода́тию Бо́жиею, пода́ждь на́м сло́во бла́го, да зове́м ти́:
Ра́дуйся, денни́це от гра́да Вифсаи́ды на́м возсия́вшая;
ра́дуйся равноче́стный бра́те верхо́внаго Петра́.
Ра́дуйся, учениче́ вели́каго Предте́чи Христо́ва;
ра́дуйся пе́рвее про́чих апо́стол зва́нный ко апо́стольскому служе́нию от Самого́ Го́спода.
Ра́дуйся, я́ко и други́м с ра́достию воззва́л еси́: прииди́те, обрето́хом жела́емаго Месси́ю;
ра́дуйся и на́с к Нему́ же приводя́й.
Ра́дуйся, Андре́е, апо́столе Христо́в Первозва́нный.
Конда́к 2
Учи́телю, где́ живе́ши? — вопроси́л еси́, Андре́е, Спа́са ду́ш на́ших и, с Ни́м пребы́в де́нь еди́н, возлюби́л еси́ на вся́ дни́ живота́ твоего́ обре́теннаго тобо́ю Месси́ю, и бра́та твоего́ старе́йшаго приве́л еси́ к Нему́. Те́мже и на́с, я́ко ме́ньшую бра́тию твою́, к Нему́ же не преста́й влещи́, да и мы́, после́дующе стопа́м твои́м, вопие́м Бо́гу: Аллилу́иа.
И́кос 2
Прови́дя в тебе́, святы́й Андре́е, ве́ры и любве́ пла́мень, Госпо́дь па́ки тя́ обре́те на е́зере Геннисаре́тсте, я́ко ры́баря, ку́пно с бра́том твои́м, вмета́юща мре́жи во глубину́, и рече́ ва́ма: гряди́та по Мне́, и А́з сотворю́ вы́ ловца́ челове́ком. — Ты́ же а́бие после́довал еси́ Ему́ и богодухнове́нным сло́вом, я́ко мре́жею, челове́ки улови́л еси́ Христу́, с ни́миже и мы́, уловле́ннии тобо́ю во спасе́ние, веща́ем ти́:
Ра́дуйся, я́ко от Самого́ Го́спода лови́тве духо́вней научи́лся еси́;
ра́дуйся я́ко на то́м же е́зере с про́чими апо́столы обурева́емь бы́в, ве́рою спа́слся еси́ в Го́спода, запреща́ющаго ве́тром и мо́рю.
Ра́дуйся, стяжа́вый ве́лию ве́ру, егда́ ви́дел еси́ пречу́дное насыще́ние пяти́ ты́сящ пятию́ хле́бами;
ра́дуйся да́р прия́вый от Го́спода цели́ти вся́к неду́г и вся́ку боле́знь.
Ра́дуйся, я́ко гла́с с небесе́ слы́шан бы́сть е́ллином, Христа́ тобо́ю узре́вшим;
ра́дуйся я́ко на горе́ Елео́нстей открове́на бы́ша и тебе́ гряду́щая при кончи́не ми́ра.
Ра́дуйся, Андре́е, апо́столе Христо́в Первозва́нный.
Конда́к 3
Стра́нствия Влады́чня и Безсме́ртныя Трапе́зы на го́рнем ме́сте Сио́на наслади́вся, я́ко ве́рный дру́г Христо́в, вку́пе с про́чими апо́столы узре́л еси́ Го́спода и Бо́га твоего́, от Него́же и Ду́х Свя́т прия́л еси́, во е́же вяза́ти и реши́ти грехи́ людски́я. И па́ки, в то́йжде го́рнице Сио́нстей, оби́льное бы́сть на тя́ излия́ние обетова́ннаго Ду́ха во о́гненных язы́цех. Те́мже вся́ племена́ удиви́шася, ка́ко язы́ком и́х глаго́лал еси́ вели́чия Бо́жия, поя́: Аллилу́иа.
И́кос 3
От Го́спода за́поведь прии́м пропове́дати Ева́нгелие все́й тва́ри, обте́кл еси́ мно́гия гра́ды и страны́, апо́столе Андре́е, призыва́я лю́ди к позна́нию И́стиннаго Бо́га и крестя́ и́х во и́мя Отца́ и Сы́на и Свята́го Ду́ха; с ни́миже и мы́ сподо́бихомся благода́ти креще́ния. Сего́ ра́ди благода́рственная воспису́ем ти́:
Ра́дуйся, чуде́с Христо́вых провозве́стниче ве́рный;
ра́дуйся свята́го Ева́нгелия пропове́дниче громогла́сный.
Ра́дуйся, и́дольскаго служе́ния потреби́телю;
ра́дуйся и́стиннаго благоче́стия насади́телю.
Ра́дуйся, я́ко по сло́ву твоему́ лю́дие водо́ю и Ду́хом возрожда́ются;
ра́дуйся я́ко тобо́ю ве́рнии Безсме́ртныя Трапе́зы причаща́ются.
Ра́дуйся, Андре́е, апо́столе Христо́в Первозва́нный.
Конда́к 4
Си́ла Бо́жия осени́ тя́, апо́столе Первозва́нный, во е́же благовести́ти си́лу и сла́ву Сы́на Бо́жия и утвержда́ти вся́ ве́ровати во Святу́ю Тро́ицу призва́нныя. Те́мже у́бо и на́с, покланя́ющихся Еди́ному в Трие́х Ипоста́сех Бо́гу, на зла́чней па́жити ве́ры Христо́вы соблюди́, да благода́тию Свята́го Ду́ха вы́ну освяща́емии, велегла́сно пое́м Ему́: Аллилу́иа.
И́кос 4
Приве́д ко Христу́ бра́та твоего́ Си́мона Петра́, Первозва́нне, с ни́м изше́л еси́ и на апо́стольское служе́ние твое́, пе́рвее во Антиохи́ю и Сино́п, и та́мо победи́в де́монов полки́, от у́з темни́чных спу́тника твоего́ апо́стола Матфи́я свободи́л еси́, и ю́зники с ни́м бы́вшия крести́л, верхо́вному Петру́ отту́ду в за́падныя страны́ теку́щу, ты́ бра́тнее целова́ние да́л еси́ ему́, са́м же до́бре подвиза́лся еси́ на восто́цех. Те́мже и мы́, лю́дие Це́ркве Восто́чныя, блажи́м тя́:
Ра́дуйся, си́ло Бо́жия, полки́ де́монов прогоня́ющая и у́зы темни́ц сокруша́ющая;
ра́дуйся прия́телище благода́ти апо́стольския, от а́довых у́з тайноде́йственне на́с свобожда́ющия.
Ра́дуйся, за́пад и восто́к с бра́том твои́м богому́дрым, про́поведи ра́ди сло́ва Бо́жия, жре́бием раздели́вый;
ра́дуйся во гра́де Сино́пе неве́рие иуде́ев си́лою чуде́с твои́х обличи́вый.
Ра́дуйся, я́ко та́мо от безбо́жных Христа́ ра́ди бие́н бы́л еси́;
ра́дуйся я́ко от Самого́ я́вльшагося ти́ Го́спода исцеле́ние я́зв тебе́ дарова́ся.
Ра́дуйся, Андре́е, апо́столе Христо́в Первозва́нный.
Конда́к 5
Двукра́ты возвра́щся во Святы́й Гра́д, да ку́пно со апо́столы пятидеся́тный де́нь пра́зднуеши та́мо, двукра́ты па́ки ше́ствовал еси́ от свята́го Сио́на, во е́же Христа́ пропове́дати вселе́нней, пе́рвее со Иоа́нном напе́рсником Госпо́дним, посе́м же с Си́моном Канани́том и Матфи́ем, и́же жре́бием назна́менован бы́сть во апо́стола, и вся́ преде́лы Аси́и и По́нта обте́кл еси́, сло́вом спасе́ния все́х оглаша́я, да Бо́гу пою́т: Аллилу́иа.
И́кос 5
От мо́ря Галиле́йскаго до По́нта Евкси́нскаго а́постольския мре́жи твоя́ распростры́й и все́ помо́рие о́крест огласи́вый благове́стием твои́м, восте́кл еси́, Первозва́нне, и в страны́ Ски́фии, Кре́ст Христо́в всю́ду водружа́я в зна́мение на́шего спасе́ния. Сего́ ра́ди и мы́, а́ще и по́зднии ро́ди, вне́млюще благове́стию твоему́ и воспомина́юще по́двиги твоя́, зове́м ти́:
Ра́дуйся, в Нике́и лю́тыя разбо́йники укроти́вый и люте́йшаго драко́на умертви́вый;
ра́дуйся Кре́ст Христо́в посреде́ гра́да сего́ водрузи́вый, я́ко Предте́ча сы́й двукра́ты собра́нных та́мо оте́ц богоно́сных.
Ра́дуйся, я́ко во Аси́и и По́нте тобо́ю све́т Христо́в возсия́;
ра́дуйся я́ко апо́стольский же́зл тво́й предго́рие Кавка́са све́ту Христо́ву отве́рзе.
Ра́дуйся, и́мже мра́к Киммери́йский озари́ся;
ра́дуйся и́мже вселе́нная струя́ми воды́ жи́вы напои́ся.
Ра́дуйся, Андре́е, апо́столе Христо́в Первозва́нный.
Конда́к 6
Бу́рею страсте́й одержи́мая и, я́ко во́ды океа́на, волну́емая, племена́ челове́ков, я́же не ве́дяху Бо́га И́стиннаго, приве́л еси́, апо́столе, к ти́хому приста́нищу Христо́ву и те́х сердца́, а́ки у́тлую ладию́ неве́рием обурева́емая, на я́кори ве́ры Правосла́вныя утверди́л еси́. Те́мже и мы́, я́ко ча́да Правосла́вныя ве́ры, благода́рным се́рдцем и благода́рными усты́ вопие́м Бо́гу: Аллилу́иа.
И́кос 6
На горе́ Елео́нстей Боже́ственнаго Учи́теля твоего́ иногда́ со про́чими апо́столы вопроси́л еси́, Андре́е: Рцы́ на́м, что́ е́сть зна́мение прише́ствия Твоего́? — На гора́х же Ки́евских, я́ко орга́н сы́й благода́ти Ду́ха Свята́го, ты́ предвозвести́л еси́ гряду́щую сла́ву ме́ста сего́; мы́ же, предрече́нныя на́м ми́лости сея́ сподо́бльшеся, умиле́нно взыва́ем ти́:
Ра́дуйся, я́ко с горы́ Сио́на зако́н на́м ева́нгельский прине́сл еси́;
ра́дуйся я́ко по вода́м Ворисфе́на апо́стол Бо́жий к на́м восте́кл еси́.
Ра́дуйся, благода́ть Иорда́нову, креще́ния на́шего ра́ди, реце́ се́й дарова́вый;
ра́дуйся на гора́х Ки́евских Кре́ст на́шего спасе́ния водрузи́вый.
Ра́дуйся, и́мже оби́льное излия́ние благода́ти Бо́жией зде́ предрече́ся;
ра́дуйся и́мже бытие́ гра́да вели́ка и церкве́й мно́гих зде́ предвозвести́ся.
Ра́дуйся, Андре́е, апо́столе Христо́в Первозва́нный.
Конда́к 7
Дне́сь, во исполне́ние проро́ческаго гла́са твоего́, хра́м пресла́вный красу́ется на ме́сте, иде́же не су́щая я́ко су́щая прови́дел еси́ по да́ру Ду́ха Свята́го; о́крест же его́ гра́д ве́лий с це́рквами златове́рхими и́стину слове́с твои́х свиде́тельствует, ему́же и доны́не ты́, я́ко с го́рния кафе́дры, ми́р благовеству́еши. Те́мже и мы́, сбытие́ богодухнове́нных глаго́л твои́х зря́ще, ве́лиим гла́сом взыва́ем Бо́гу: Аллилу́иа.
И́кос 7
От светоно́сныя зари́, Первозва́ннаго апо́стола, све́т богове́дения восприи́мши, свята́я О́льга возсия́ Руси я́ко денни́ца на́шего спасе́ния, возводя́ всле́д себе́, я́ко светоза́рное свети́ло, вну́ка своего́ Влади́мира, просвети́теля всея́ полу́нощныя страны́. Те́мже и мы́, возве́дше о́чи на́ша к тебе́, Андре́е богому́дре, я́ко к нача́льному благове́стнику на́шего спасе́ния, воспису́ем ти́ похва́льная сия́:
Ра́дуйся, я́ко денни́це на́шего спасе́ния, О́льзе святе́й, све́та Боже́ственнаго позна́ние дарова́ся;
ра́дуйся я́ко благове́рию ея́ Христо́во Ца́рствие отве́рзеся.
Ра́дуйся, я́ко благослове́нием твои́м пресла́вное свети́ло от сея́ денни́цы на́м произы́де;
ра́дуйся я́ко по твоему́ предвозве́стию апо́стольскому равноапо́стольный кня́зь на́м яви́ся.
Ра́дуйся, я́ко тобо́ю свята́го Влади́мира ца́рствие земно́е к небе́сному приобщи́ся;
ра́дуйся я́ко Дне́пр и Поча́йна, ре́ки Ки́евския, спаси́тельною купе́лию на́м бы́ша.
Ра́дуйся, Андре́е, апо́столе Христо́в Первозва́нный.
Конда́к 8
Пропове́дуют пресла́внаго гра́да Ки́ева и всея́ Руси па́стырие и пасо́мии па́мять дея́ний твои́х, богому́дре Андре́е апо́столе; в не́драх же пеще́рных нетле́нно почива́ющии уго́дницы Бо́жии, со Анто́нием и Феодо́сием, немо́лчными усты́, я́ко жи́ви су́ще, сла́ву твою́ веко́м и родо́м возглаша́ют, тобо́ю бо водруже́нный зде́ Кре́ст, я́ко благосенноли́ственное дре́во, произрасте́, во е́же изнести́ на́м плоды́ благоче́стия и святы́ни. Мы́ же ра́йскаго вертогра́да твоего́, а́ки птенцы́ духо́внии, тобо́ю науче́ни есмы́ воспева́ти Бо́гу: Аллилу́иа.
И́кос 8
Не то́чию Руси́ еди́ныя бы́л еси́ спасе́ния провозве́стник, Первозва́нный апо́столе Христо́в, но и вся́ слове́нская племена́, я́коже ко́кош, птенцы́ своя́ под криле́ собира́яй, приве́л еси́ я́ ко Христу́; ты́ бо от Херсо́ниса во мра́к полу́нощныя страны́ прозира́я, су́щим та́мо лю́дем, да Бо́жию науча́тся сло́ву, прему́дрыя учи́тели, Кири́лла и Мефо́дия, про́поведию твое́ю за мно́гия ве́ки предугото́вал еси́; мы́ же, а́ки уста́ми си́х просвети́телей на́ших, велегла́сно вопие́м ти́:
Ра́дуйся, слове́нская племена́ искони́ благослови́вый;
ра́дуйся сло́во и́х разу́мное сло́вом Бо́жиим умудри́вый.
Ра́дуйся, я́ко глаго́лу Бо́жию послушли́вии, Це́ркве ча́да слове́сная бы́ша;
ра́дуйся я́ко в Херсо́нисе, иде́же пропове́дал еси́, пе́рвая ру́сская пи́смена Кири́лл святы́й обре́те и прия́т я́.
Ра́дуйся, я́ко те́ми А́лфу и Оме́гу, Нача́ток и Коне́ц — Христа́ Бо́жию прему́дрость возвести́л еси́ и́м;
ра́дуйся я́ко и вся́ богодухнове́нная писа́ния учи́телие сии́ на язы́к слове́нск на́м преложи́ша.
Ра́дуйся, Андре́е, апо́столе Христо́в Первозва́нный.
Конда́к 9
Пусты́нныя Ски́фии не убоя́вся, во глубину́ полу́нощныя страны́ просте́рл еси́ апо́стольская стра́нствия твоя́, Первозва́нне, отону́дуже и в ве́тхий Ри́м прише́л еси́, и́же тогда́ глава́ ми́ру язы́ческому бы́сть; оба́че тмы́ ра́ди и́дольския оста́вль его́, и на кра́сный бре́г Воспо́ра прише́д, та́мо во гра́де Византи́и, и́же но́вый Ри́м и ма́терь христиа́ном бы́сть, апо́стольский престо́л тво́й утверди́л еси́, да от него́ восто́к и се́вер ве́сь све́том ве́ры озари́тся, ве́рнии же ча́да Це́ркве Христо́вы Бо́гу единомы́сленно воззову́т: Аллилу́иа.
И́кос 9
Ма́ти Сио́н, — псало́мски рече́т челове́к, я́ко челове́к духо́вно роди́ся в не́м, но́вый же Сио́н на́м бы́сть Ки́ев: в не́м бо све́т и благода́ть Бо́жия яви́ся все́м сыново́м русстем от кафе́дры, ю́же ты́, Первозва́нне апо́столе, в Византи́и утверди́л еси́. Те́мже и мы́, Невече́рним Све́том озаря́емии, благода́рне взыва́ем ти́:
Ра́дуйся, от горы́ Сио́нския снизше́дый и го́рним све́том Ки́ев многохо́лмный озари́вый;
ра́дуйся гра́ду сему́ многопло́дие духо́вное благослове́нием твои́м, низпосла́вый.
Ра́дуйся, я́ко посреде́ вселе́нныя апо́стольский престо́л тво́й утверди́л еси́;
ра́дуйся я́ко под се́нь его́, в но́вом Ри́ме, вся́ просвеще́нныя тобо́ю язы́ки собра́л еси́.
Ра́дуйся, и́мже Правосла́вие в душа́х и́х утвержда́ется;
ра́дуйся и́мже от восто́ка тма́ за́пада отрева́ется.
Ра́дуйся, Андре́е, апо́столе Христо́в Первозва́нный.
Конда́к 10
Егда́ наста́ вре́мя преставле́ния твоего́, блаже́нне апо́столе, в дре́вния Па́тры Аха́йския прише́л еси́, да та́мо жре́н бу́деши, тече́ние бо сконча́л еси́, по́двигом до́брым подвиза́лся еси́, все́м пропове́дав Христа́ ра́спята, иуде́ем собла́зн, е́ллином же безу́мие, на́м же, зва́нным и спаса́емым, — Христа́, Бо́жию Си́лу и Бо́жию Прему́дрость, от Нея́же и научи́хомся пе́ти Бо́гу: Аллилу́иа.
И́кос 10
Всю́ду и́менем Го́спода Иису́са боля́щия исцеля́я, ме́ртвыя воскреша́я, бе́сы изгоня́я, и во Па́трах предсме́ртную про́поведь твою́ чудеса́ми утверди́л еси́, апо́столе Христо́в, и анфипа́та Ле́звия обрати́л еси́ к позна́нию и́стины, егда́ противле́ния ра́ди я́звою пораже́н бы́в, тобо́ю от одра́ боле́зни воздви́жен бы́сть, лю́дие же вси́, ви́девше в тебе́ си́лу Бо́жию, и́долы своя́ сокруши́ша, посе́м и Госпо́дь яви́ся тебе́, я́коже Па́влу иногда́ в Кори́нфе, и повеле́ взя́ти кре́ст тво́й, назна́меновав си́м твое́ в Па́трах, Его́ ра́ди, страда́ние. Те́мже и мы́, дивя́щеся ве́лией благода́ти в тебе́, благогове́йно взыва́ем:
Ра́дуйся, ве́лия Бо́га всемогу́щаго си́ло;
ра́дуйся многоце́нное чуде́с сокро́вище.
Ра́дуйся, дре́вних Па́тр просвеще́ние и украше́ние;
ра́дуйся неве́рие анфипа́та в ве́ру премени́вый.
Ра́дуйся, я́ко та́мо па́ки яви́ся тебе́ Госпо́дь, на по́двиг кре́стный тя́ призва́вый;
ра́дуйся я́ко угото́вася тебе́ вене́ц пра́вды.
Ра́дуйся, Андре́е, апо́столе Христо́в Первозва́нный.
Конда́к 11
Неро́н ке́сарь, я́коже иногда́ И́род, гоне́ние на вся́ ве́рныя воздви́гнувый, в Ри́ме Па́вла мече́м усе́кну, Петра́ же на кресте́ распя́, подо́бне и тебе́ дости́же в Па́трах рука́ мучи́телева, егда́ вме́сто кро́ткаго Ле́звия судию́ поста́ви Егеа́та лю́таго, и́же не терпя́й креще́ния бра́та своего́, ниже́ исцеле́нием жены́ своея́ умягче́н бы́в, в темни́цу вве́рже тя́ и, я́коже верхо́внаго Петра́, на кре́ст осуди́. Ты́ же ю́зник сы́й, в темни́це мра́чней, я́ко во све́тлем хра́ме, бра́та анфипа́това Стратокли́са во епи́скопа Па́тром проро́чествовал еси́, Бо́гу со все́ми ве́рными посреде́ узи́лища воспева́я: Аллилу́иа.
И́кос 11
На ме́сте ло́бнем кре́ст воздвиза́ем узре́в, на не́мже име́л еси́ ра́спят бы́ти, не убоя́лся еси́, апо́столе, да́же до сме́рти свиде́тельствовати возлю́бльшаго тя́ и возлю́бленнаго тобо́ю Христа́, и к сему́ зна́мению спасе́ния ру́це простира́я, умиле́нно взыва́л еси́:
Ра́дуйся, Кре́сте Всечестны́й, пред ни́мже с весе́лием предстою́, ве́дая тя́, упова́ние мое́;
ра́дуйся Кре́сте Животворя́щий, его́же глава́ до небе́с дости́же, подно́жие же врата́ а́да сокруши́.
Ра́дуйся, Кре́сте достопокланя́емый, восприе́мый Влады́ку моего́, я́ко гро́здие сладча́йшее, источи́вшее на́м спасе́ние;
ра́дуйся Кре́сте благослове́нный, разбо́йника спасы́й и тому́ плоды́ испове́дания дарова́вый.
Ра́дуйся, я́ко и моея́ ра́дости исполне́ние бы́л еси́; — те́мже ра́дуйся и ты́, страстоте́рпче, на Кресте́ ве́ру твою́ во Христа́ запечатле́вый.
Ра́дуйся, Андре́е, апо́столе Христо́в Первозва́нный.
Конда́к 12
Прииди́те, свиде́телие ра́дости моея́! — воззва́л еси́ апо́столе к соверши́телем во́ли Егеа́та, — твори́те во́лю на́ю обою́, распни́те мя́ и, я́ко а́гнца, принеси́те в же́ртву созда́вшему мя́ Творцу́. — И сия́ ре́к, возше́л еси́ на кре́ст, я́ко на го́рнюю кафе́дру, с нея́же три́ дни́ и три́ но́щи пропове́дал еси́ сло́во Бо́жие о́крест стоя́щим лю́дем, да не боя́тся сме́рти, испове́дающе Го́спода Иису́са. Егда́ же све́том небе́сным озари́ся ли́к тво́й, ужасе́ся мучи́тель и тя́ со креста́ взя́ти повеле́; оба́че ты́, страстоте́рпче, не восхоте́л еси́ от кре́стных му́к разреши́тися, до исхо́да твоего́ непреста́нно Бо́гу вопия́: Аллилу́иа.
И́кос 12
Сла́вяще апо́стольския по́двиги твоя́, Андре́е Первозва́нне, ублажа́ем святу́ю кончи́ну твою́, е́юже Живоно́сную Стра́сть Сы́на Бо́жия просла́вил еси́, и во умиле́нии се́рдца взыва́ем ти́ си́це:
Ра́дуйся, дру́же Христо́в, с ра́достию кре́стная страда́ния за Него́ претерпе́вый;
ра́дуйся апо́столе ве́рный, со креста́ глаго́лы живота́ ве́чнаго лю́дем пропове́давый.
Ра́дуйся, я́ко в ча́с сня́тия со креста́ осени́ тя́ све́т, а́ки мо́лния с небесе́;
ра́дуйся я́ко правосла́вно испове́дающим пропове́даннаго тобо́ю Христа́ Сы́на Бо́жия обеща́л еси́ благода́ть ве́лию.
Ра́дуйся, Го́рняго Иерусали́ма апо́стольское основа́ние;
ра́дуйся седя́й со апо́столы на еди́ном от двоюна́десяте престо́лов, во е́же суди́ти вся́ коле́на Изра́илева.
Ра́дуйся, Андре́е, апо́столе Христо́в Первозва́нный.
Конда́к 13
О, Первозва́нный апо́столе Христо́в Андре́е! При́зри на благохвале́ния сия́ все́х чту́щих святу́ю па́мять твою́, и я́ко водрузи́л еси́ кре́стное дре́во на гора́х гра́да Ки́ева, при́сно осеня́й и на́с спаси́тельным зна́мением си́м, да, Кресто́м Го́спода Бо́га и Спа́са на́шего охраня́еми, дости́гнем в ме́ру во́зраста исполне́ния Христо́ва и сподо́бимся с тобо́ю и со все́ми святы́ми, во гла́се ра́дования, в безконе́чныя ве́ки пе́ти Бо́гу, Спаси́телю на́шему: Аллилу́иа.
[Се́й конда́к глаго́лется три́жды.] [Далее повторяем 1‑е икос и кондак:]
И́кос 1
А́нгел благове́стник А́гнца Христа́, взе́млющаго грехи́ ми́ра, бы́л еси́ Андре́е апо́столе, и с Ни́м во ве́ки пребыва́еши на небеси́; отону́дуже и при́зри на пе́ния, приноси́мая тебе́ во хра́ме твое́м, на ме́сте, иде́же стоя́сте но́зе твои́, и я́ко бога́т сы́й благода́тию Бо́жиею, пода́ждь на́м сло́во бла́го, да зове́м ти́:
Ра́дуйся, денни́це от гра́да Вифсаи́ды на́м возсия́вшая;
ра́дуйся равноче́стный бра́те верхо́внаго Петра́.
Ра́дуйся, учениче́ вели́каго Предте́чи Христо́ва;
ра́дуйся пе́рвее про́чих апо́стол зва́нный ко апо́стольскому служе́нию от Самого́ Го́спода.
Ра́дуйся, я́ко и други́м с ра́достию воззва́л еси́: прииди́те, обрето́хом жела́емаго Месси́ю;
ра́дуйся и на́с к Нему́ же приводя́й.
Ра́дуйся, Андре́е, апо́столе Христо́в Первозва́нный.
Конда́к 1
Первозва́ннаго апо́стола Христо́ва, Ева́нгелия Свята́го пропове́дника, Руси богодухнове́ннаго просвети́теля, Андре́я пресла́внаго, пе́сньми восхва́лим, стоя́ще на версе́ холма́, иде́же Кре́ст водрузи́ десни́ца его́, и ему́ я́ко Це́ркве возсле́дователю верхо́вному, в сле́д себе́ указа́вшему е́й пу́ть ко Христу́, во умиле́нии воззове́м:
Ра́дуйся, Андре́е, апо́столе Христо́в Первозва́нный.
Моли́тва
Первозва́нне апо́столе Бо́га и Спа́са на́шего Иису́са Христа́, Це́ркве после́дователю верхо́вный, всехва́льне Андре́е! Сла́вим и, велича́ем апо́стольския труды́ твоя́, сла́дце помина́ем твое́ благослове́нное к на́м прише́ствие, ублажа́ем честна́я страда́ния твоя́, я́же за Христа́ претерпе́л еси́, лобыза́ем свяще́нныя мо́щи твоя́, чти́м святу́ю па́мять твою́ и ве́руем, я́ко жи́в Госпо́дь, жива́ же и душа́ твоя́ и с Ни́м во ве́ки пребыва́еши на небеси́, иде́же и лю́биши ны́ то́южде любо́вию, е́юже возлюби́л еси́ на́с, егда́ Ду́хом Святы́м прозре́л еси́ на́ше, е́же ко Христу́ обраще́ние, и не то́чию лю́биши, но и мо́лиши о на́с Бо́га, зря́ во Све́те Его́ вся́ ну́жды на́ша. Та́ко ве́руем и та́ко сию́ ве́ру на́шу испове́дуем во хра́ме, и́же во и́мя твое́, святы́й Андре́е, пресла́вно созда́ся, иде́же святы́я мо́щи твоя́ почива́ют; ве́рующе же, про́сим и мо́лим Го́спода и Бо́га и Спа́са на́шего Иису́са Христа́, да моли́твами твои́ми, я́же при́сно послу́шает и прие́млет, пода́ст на́м вся́ потре́бная ко спасе́нию на́с гре́шных; да я́коже ты́ а́бие по гла́су Го́спода, оста́вль мре́жи своя́, неукло́нно Ему́ после́довал еси́, си́це и ки́йждо от на́с да и́щет не свои́х си́, но е́же к созида́нию бли́жняго и о го́рнем зва́нии да помышля́ет. Иму́ще же тя́ предста́теля и моли́твенника о на́с, упова́ем, я́ко моли́тва твоя́ мно́го мо́жет пред Го́сподем и Спаси́телем на́шим Иису́сом Христо́м, Ему́же подоба́ет вся́кая сла́ва, че́сть и поклоне́ние со Отце́м и Святы́м Ду́хом во ве́ки веко́в. Ами́нь.