Макарій
Київський сщмч., митрополит
Піднесіть святому образу прикрасу на знак подяки за чудо або сповнення молитви.
Будьте першим, хто запалить свічку перед цим святим образом.
Священномученик Макарій жив і здійснював свою архіпастирську діяльність у Великому князівстві Литовському, Руському і Жемайтському — спільній державі литовців і русинів.
На момент поставлення сщмч. Макарія митрополитом Київським у 1495 р. Московська і Київська Церкви-митрополії існували й розвивалися вже цілком окремо одна від одної. У 1448—1458 рр. відбувся остаточний поділ Київської митрополії, яка від часу «хрещення Русі» входила до складу Константинопольського патріархату, між великими Литовсько-Руським і Московським князівствами, внаслідок чого відокремилася незалежна від Константинополя (неканонічна до 1589 р.) Московська митрополія. Київська ж митрополія (Литовсько-Руська) так і залишалася в складі Константинопольського патріархату (своєї Церкви-матері) до 1685 р., коли її з порушенням церковних канонів було приєднано до Московського патріархату.
Митрополит Київський Симеон поставив святителя Макарія архімандритом Віленського Троїцького монастиря.
1495 року, після смерті Київського митрополита Іони (Глезни), Собор руських архієреїв поставив архімандрита Макарія митрополитом. Для одержання благословення на управління митрополією до Константинопольського патріарха Нифонта були послані старець Діонісій і чернець Герман. 1496 року патріарх надіслав великому князеві, княгині й митрополиту Макарію листа з благословенням.
Митрополит Макарій був мудрим пастирем. Він докладав багато зусиль до ослаблення внутрішніх чвар серед духовенства й мирян, дбав про розвиток Київської митрополії, упорядкував і прикрасив багато храмів та монастирів. Він оберігав і захищав права православних від «латинян». Для цього вживав заходів, щоб прихилити великого князя Литовського Олександра до православних.
Святитель мешкав у м. Новогрудку (нині м. Навагрудак Гродненської області Білорусі). Тут була головна резиденція Київських митрополитів від часів князя Вітовта Великого через небезпеку проживати у Києві через постійні набіги кримських татар. Тисячі людей гинули від меча й потрапляли у полон, татари грабували й палили храми. У цих умовах подорож до Києва була дуже небезпечною — але потрібно було їхати.
У 1495-96 роках, саме тоді, коли митрополитом Київським і всієї Русі архієпископом став святий Макарій, у правлячих колах Литовсько-Руської держави активно обговорювався план великого князя Олександра Казимировича відновити Київське князівство і віддати його своєму молодшому братові Сигізмунду (католику) з наданням йому статусу співправителя в межах Великого князівства Литовського, Руського і Жемайтського. Королем католицької Польщі був на той час їхній брат Ян-Альбрехт. По суті, йшлося про перспективу утворення федерації Польщі, Литви та Києво-Руського князівства, і про відновлення політичного значення Києва. Напевно, підтримувала цю ідею й частина українських православних князів.
За стародавньою київською традицією, обряд посадження на княжий престол (коронація) мав би відбутися саме в Софії Київській, яка в свідомості народу була не лише головним храмом князів і митрополитів, але й символом могутньої княжої Русі.
За таких обставин митрополитові Київському і всієї Русі можливо, і навіть необхідно, було їхати до Києва або й назовсім переїхати до свого титульного міста. Попередники святого Макарія з різних причин вже більше ста років не жили постійно в Києві. Перенесення фактичного центру православної митрополії з Новогрудка до Києва могло б сприяти швидшому відродженню політичного впливу Київського князівства. Це також позитивно вплинуло б на економічний розвиток Києва та зміцнило б дух русинів у боротьбі з татарами.
Керований почуттям архіпастирського обов'язку й любов'ю до Вітчизни, владика Макарій, зібравши деякі кошти для відновлення пограбованих татарами Менглі-Гірея кафедрального Софійського собору та інших київських святинь, вирішив їхати до Києва навесні 1497 року.
Митрополит Макарій як духовний лідер православних, яких у Київському князівстві була переважна більшість, мав би зустріти з народом нового князя Київського Сигізмунда та разом із католицьким духовенством звершити обряд коронації. Процедура спільного богослужіння була вироблена ще для шлюбу великого князя Олександра (католика) з донькою Московського князя Іоанна III Оленою (православною), але цього разу моральна перевага могла бути на боці православних.
Подорож до Києва в ті часи була небезпечною. Протягом 1491—1496 років кримські татари здійснювали набіги на Україну щороку. У березні й квітні 1497 р. вони напали на Волинь, Поділля й Мозирщину, однак князі Михайло й Костянтин Острозькі з військом відбили полонених і вбили всіх нападників. Тому вважалося, що шлях до Києва, який пролягав через Мозирщину, є вільним.
Наприкінці квітня 1497 р. митрополит Макарій у супроводі кількох духовних осіб та нечисленної охорони вирушив до Києва. Проїжджаючи вздовж річки Прип'яті, святитель зупинився на відпочинок у селі Скриголов (Стриголов), що розташоване було неподалік від міста-фортеці Мозиря на річці Бчичі (нині це село Скригалов Мозирського району Гомельської області Білорусі).
1 травня 1497 року, коли митрополит Макарій служив Божественну літургію в храмі с. Скригалова, напали татари. Святитель закликав присутніх рятуватися, а сам залишився біля вівтаря й прийняв мученицьку смерть. Татари зарубали його, відітнули ступню правої ноги, ліву руку та голову.
Сучасники гаряче оплакували смерть святителя. Його тіло привезли до Києва й поклали в храмі Святої Софії. Перед іконостасом у соборі, де спочивав святитель, неодноразово самі запалювалися свічки, а від його гробниці (за інформацією Еріха Лясоти — «дерев'яного ящика» інколи виходило світло й вогонь. Мощі, вкриті полотняним покривалом, перебували у Святій Софії, зокрема, 1594 року.
Макарію Київському, священномученику
Кондак 1
Избранный чудотворче и преславный угодниче Христов, святителю отче Макарие, присно от лютых и напастей молитвами твоими избавляеми приносим ти похвальная. Ты же, яко имеяй дерзновение ко Господу, не престай от всех бед свобождати любовию тебе зовущих:
Радуйся, Макарие, архиереом честное украшение.
Икос 1
Ангела земнаго званием и человека небеснаго житием, яви тя небесе и земли Создатель: Емуже предстоя и ликовствуя непрестанно с небесными чинми, славословие возсылаеши и молением грешных людей от земли внемлеши, услыши и нас ко предстательству твоему усердно взывающих:
Радуйся, яко по имени твоему и житие твое блаженное.
Радуйся, Троическим единством священнотайне пpосвещаяйся.
Радуйся, к Триипостасному Свету и наши души возводяяй.
Радуйся, волю избравшаго тя Господа Христа творивый.
Радуйся, и нас творити волю Его своим житием научаяй.
Радуйся, Спасителя Бога любве искренний подражателю.
Радуйся, и наши души любовию Креста Его просвещаяй.
Радуйся, Духа Пресвятаго сосуде избранный.
Радуйся, и на нас благодать Его призываяй.
Радуйся, с Царицей Небесной пред Спасителем нашим предстателю.
Радуйся, непрестанный ангелов собеседнице.
Радуйся, о роде человечестем усердный молитвенниче
Радуйся, Макарие, архиереом честное украшение.
Кондак 2
Видяще святыя мощи твоя, многая чудеса источающия, и покланяющеся им, яко дивному знамению милости Господней в земли нашей, радостно благодарим Бога, благоговейно поюще Ему: Аллилуиа.
Икос 2
Разумом просвещенным свыше вразумляя заблуждшия, сильный поборник был еси истины Христовой, святителю Макарие, егда в стране Литовстей царие земстии и князи людстии собрашася вкупе на верных чад Церкви Христовой, мы же трудами и молитвами твоими от иноплеменнаго и иновернаго ига избавльшеся, вопием ти сице:
Радуйся, града Вильны славное прозябение.
Радуйся, верный хранителю апостольских преданий.
Радуйся, истины Православия страже неусыпный.
Радуйся, столпе благочестия несокрушимый.
Радуйся, святителей древних подражателю.
Радуйся, крепосте наша духовная.
Радуйся, твердое веры и правды охранение.
Радуйся, пастырем и пасомым образе благочестия.
Радуйся, Церкви преславная красото.
Радуйся, архиереев доброто.
Радуйся, православия светило.
Радуйся, яко духовную жертву непрестанно ко Господу возносиши.
Радуйся, Макарие, архиереом честное украшение.
Кондак 3
Сила свыше осени тя, истинный пастырю душ христиански, егда противу волков злых, ищущих стадо Христово расхитити, твердо стоял еси, и духовныя чада твоя и благоверную княгиню в Православии укрепил еси, и ныне на небесах предстоя Христу Богу, моли Господа Славы, да умножит в земли нашей благочестие и единомыслие: оступившия же от православныя Церкви светом познания Своего да озарит, да и тии с нами воззовут Ему: Аллилуиа.
Икос 3
Имея воистинну, блаженне Макарие, великую любовь стаду своему, людем Русским явился еси наставник мудрый ко спасению, нам же молитвенник теплый и скорый помощник показался еси, вся подвизая благодарно взывати тебе:
Радуйся, от рук агарянских смертную испивый чашу.
Радуйся, от уст верных сего ради присно восхваляемый.
Радуйся, мучениче, к небесным селениям дух наш присно возводяяй.
Радуйся, подвижниче, нас, от юности страстьми обуреваемых, безстрастию поучаяй.
Радуйся, пастырю, благовествуяй нам глагол Христов силою многою.
Радуйся, отче, чадом своим путь ко спасению показавый.
Радуйся, града Киева небесный покровителю.
Радуйся, священнослужителям добрый наставниче.
Радуйся, монахов и мирских людей мудрый учителю.
Радуйся, страны нашей преславный светильниче.
Радуйся, всех молящихся прибежище.
Радуйся, скорбящих утешителю.
Радуйся, Макарие, архиереом честное украшение.
Кондак 4
Бурею латинскаго еретическаго неистовства и блуждания обуреваеми русскии людие обретоша в тебе, священномучениче Макарие, кормчаго изрядна во спасение, темже и мы, зря житейское море, воздвизаемое бурею страстей и неверия, притекаем к тихому пристанищу молитв твоих и к Богу, возводящему от тли живот наш, вопием: Аллилуиа.
Икос 4
Слышавше и видевше, святе Макарие, ближнии и дальнии души твоея доброту и святость жития твоего, избра тя в архипастыря Церкве литовско-русския и обретоша в тебе пастыря добраго, за овцы свою душу положити готоваго, с веселием взываху:
Радуйся, избранниче Божий, преславный.
Радуйся, сосуде чистоты и ревности исполненный.
Радуйся, церковная похвало.
Радуйся, лести латинския посрамителю.
Радуйся, Православия догматов уяснителю.
Радуйся, гонимых правды ради защитниче.
Радуйся, любомудрствующих в Бозе благий советниче.
Радуйся, лукаваго мудрования обличителю.
Радуйся, воздержания учителю.
Радуйся, в простоте сердца верующим светлое веры правило.
Радуйся, в уничижении житие свое проводящим образе кротости и смирения.
Радуйся, спасающихся ободрение.
Радуйся, Макарие, архиереом честное украшение.
Кондак 5
Боготечною звездою востекл еси, святителю Макарие, ко святому граду Киеву, ревностию снедаем о доме Божием и о спасении врученных ти душ, аще и ведал еси о нашествии агарян, с мечем смерти ожидавших тя на пути, обаче вся презрел еси во еже исполнити должная. И совершая хотение твое, в соборной церкви града Киева ныне нетленно почиваеши и чадам твоим выну предстоиши, научи, о блаженне, и нас, разслабленных духом, путь спасению в Бозе совершати и на сем пути вся препоны молитвами твоими препобеждати, да ни смерть, ни живот не разлучат ны от любве Божия, ниже заключат устен наших, вопиющих Спасителю Богу: Аллилуиа.
Икос 5
Увидевше веси скрыголовстии людие, в церкви сущие, агарян нечестивых губительное нашествие, смертным ужасом одержими бывше, бежаху. Ты же, о досточудне, яко доблий воин Христов, на страже служения твоего пребыл непоколебим, и тако мечем нечестивых от служения временнаго преставлен еси к славословию вечному пред Господом всяческих, Ему же с горними чинми сослужа, приими наша хваления таковая:
Радуйся, с безкровною жертвою кровь свою в жертву угодную Богу принесый.
Радуйся, с херувимы Животворящей Троице Трисвятую песнь присно припеваяй.
Радуйся, небесными чинми невидимо дориносимо, к Богу вознесенный.
Радуйся, с праведными вечное Аллилуиа воспеваяй.
Радуйся, до крове исповедавый Троицу единосущную.
Радуйся, горе имеяй пламенеющий дух.
Радуйся, достойно возблагодаривый Господа.
Радуйся, с шестикрылатыми и многоочитыми победную песнь поющий.
Радуйся, Пречистых Таин Христовых воистинну в жизнь вечную причастивыйся.
Радуйся, святая во освящение вкусивый.
Радуйся, апостольския власти в чести преемниче.
Радуйся, чудес источниче.
Радуйся, Макарие, архиереом честное украшение.
Кондак 6
Проповедник истины Православия явился еси, богомудре Макарие, якоже бо древле во святем граде равноапостольная Елена с патриархом Макарием честный Крест Христов воздвизаше людям взывавшим: «Господи, помилуй», сице и ты, русскаго Сиона первосвятителю, с княгинею Еленою в сердцах верных оный Крест утверждал еси, да вси единым сердцем и едиными усты взывают на нем пригвожденному Богу: Аллилуиа.
Икос 6
Возсия в храме премудрости Господней чудный свет от пречистых мощей твоих, предивный чудотворче, его же видевше два мужа, поведаста благоговейнейшему первосвятителю Иову и всем людем прославляюще Бога, таковую благодать ти давшего, роди же русскии от лет древних навыкоша воспевати ти:
Радуйся, светильниче, огнем божественныя благодати возжженный.
Радуйся, благовестителю света Христова.
Радуйся, ангельское житие являяй.
Радуйся, грешником наставниче покаяния.
Радуйся, яко твоим ходатайством благодать спасения всем даруется.
Радуйся, яко твоими молитвами расточенная чада церковная собираются.
Радуйся, яко твоим молением злоба и коварство посрамляются.
Радуйся, яко предстательством твоим миром ограждаемся.
Радуйся, подателю милости тоя требующим.
Радуйся, ходатаю небесных и земных благ почитающим память твою.
Радуйся, о людех теплое моление возносяй.
Радуйся, всех молящихся прибежище.
Радуйся, Макарие, архиереом честное украшение.
Кондак 7
Хотяй представити Господу овцы своя люди избранны, потщался еси всемерно княгиню Елену и люди утвердити в правоверии, всех наставляяй к житию богоугодному. Не престай, святителю, и ныне о стаде твоем молитися Вседержителю Богу, да подаст народоправителем мудрость и силу, пастырем ревность о доме Господнем и всем вся, яко же спасения полезная, о них же благодаряще Бога, да вопиют: Аллилуиа.
Икос 7
Новое знамение милости твоея яви щедродатель Господь, граду Киеву множае четыреста лет нетленны сохраняя честныя мощи твоя, священномучениче блаженне Макарие, о сем благодаряще дивнаго во святых Господа, с любовию ублажаем тя:
Радуйся, яко кровию твоею, аки багряницею, Церковь украсися.
Радуйся, яко нетленным телом твоим, аки алмазом безценным, храм премудрости Господней просветися.
Радуйся, яко тобою лик мученический преумножися.
Радуйся, яко кровию твоею семена веры в земли нашей возрастишася.
Радуйся, яко тобою небеса возвеселишася.
Радуйся, яко о тебе и земля радуется.
Радуйся, о Дусе Святе души благочестивыя возвеселяяй.
Радуйся, печаль по Бозе кающимся подаваяй.
Радуйся, в терпении крест скорбей несущих утверждаяй.
Радуйся, бодросте во обстоянии сущих.
Радуйся, напутствуемым мужеством снабдение.
Радуйся, Макарие, архиереом честное украшение.
Кондак 8
Странное купно же и дивное видение явися обретшим тя в церкви скрыголовстей магометаном, егда узревша тя, святителю Христов, единаго токмо безтрепетно престолу Господню предстояща и моление о соединении всех возсылающа, обаче сим не вразумишася, нечестивии, христиански воспети Владыце всех: Аллилуиа.
Икос 8
Весь в Бозе живеши, преблаженне отче наш, но и нас грешных не оставляеши, славу в вышних Богу воспеваеши, и зде пречистыми мощами твоими пребываеши, темже яко живу сущу с нами от всего сердца глас хвалы приносим ти:
Радуйся, яко по слову апостольскому, всем вся был еси.
Радуйся, яко спасения ради чад твоих себе на смерть предал еси.
Радуйся, посещавый стадо твое не нуждою, но волею и по Бозе.
Радуйся, рабе Господень благий и верный.
Радуйся, вшедый в радость Господа твоего.
Радуйся, данный тебе талант преумноживый.
Радуйся, в мзду приявый благодать исцелений.
Радуйся, болящих здравие.
Радуйся, скорбящих утешение.
Радуйся, явлением мощей твоих в Православии нас утверждаяй.
Радуйся, яко твоего нетленнаго телесе демоны трепещут.
Радуйся, и нас пред гробом твоим стоящих умиления исполняеши.
Радуйся, Макарие, архиереом честное украшение.
Кондак 9
Все естество ангельское удивися преславней кончине твоей, ею же житие твое достойно венчал еси, лик страстотерпцев с любовию тя преуспеваяй, такожде и Церковь Русская, купно со Владимиром и Ольгою, со страстотерпцы Борисом и Глебом, с Михаилом святителем, с Антонием и Феодосием и всеми чудотворцы Печерскими в молитвенники тя приемше, благодарно о тебе вопиют: Аллилуиа.
Икос 9
Витийства нашего немощь, восхвалити тя хотяще, добре вемы, обаче да не отрынет нас благостыня твоя, из глубины сердца вопиющих:
Радуйся, архиерею Бога вышняго.
Радуйся, пастырю нам добрый.
Радуйся, правды служителю нелицеприятный.
Радуйся, в безвестности начало жития своею сохранивый.
Радуйся, тем пастыреначальнику Христу подражавый.
Радуйся, яко тебе безвестная и тайная премудрости Божия явлена быша.
Радуйся, яко края желаний достигл еси.
Радуйся, яко в тебе мудрствовася, еже и во Христе Иисусе.
Радуйся, яко послушлив был Ему даже до смерти, смерти же мученическия.
Радуйся, яко всяко колено небесных и земных восхваляет тя.
Радуйся, во славу Христову потрудивыйся.
Радуйся, любве божественныя исполненный.
Радуйся, Макарие, архиереом честное украшение.
Кондак 10
Спасти хотя от вечныя гибели стадо твое, злоухищрении латинскими прельщаемое, подъял еси, блаженне, труды многия и болезни, обходя бо грады и веси, князи и люди утешал еси, пастыри поучал еси, противящихся истине обличал еси, всяко тщание прилагая, да вси православнии воспевают Богу согласную песнь: Аллилуиа.
Икос 10
Стена твердая был еси православным християнам противу врагов видимых и невидимых, и ныне, угодниче Христов, молитвами твоими, волны неверия и лжеучений отврати от нас, отечество твое сохрани от глада, губительства, нашествия иноплеменников и междуусобныя брани, и от всяких бед да благодарно зовем ти:
Радуйся, на Церковь святую восстающим сильный противоборниче.
Радуйся, провозвестником Евангелия неутомимый споспешниче.
Радуйся, во тьме заблуждений сидящих светом Христовым просвещаяй.
Радуйся, столпе Церкви, его же утверди Премудрость Божия.
Радуйся, на языки, брани хотящи, гнев Божий проливаяй.
Радуйся, миротворцам милость Господню посылаяй.
Радуйся, славо и благопоспешение правителем нашим.
Радуйся, на враги победы воинству нашему ходатаю.
Радуйся, устрашение агарянских полчищ.
Радуйся, злочестия и неприязни искоренителю.
Радуйся, мира и незлобия учителю.
Радуйся, на подвиг брани духовныя вдохновителю.
Радуйся, Макарие, архиереом честное украшение.
Кондак 11
Песнь Трисвятую с херувимы и серафимы Животворящей Троице припевая, отче наш Макарие, пособствуй и нам, житейския попечения отлагающе во вся времена гласы преподобными воспевати на херувимех Сидящему: Аллилуиа.
Икос 11
Светильник горяй и святяй, показался еси, святителю Христов, егда из под спуда смиреннаго иноческаго жительства поставлен был еси на свещнице митрополии Киевския, да светиши всем чадом Церкве русския сущим, благодарно тебе зовущим:
Радуйся, яко свет твой просветися пред верными и неверными.
Радуйся, яко о тебе вси вернии прославиша Отца Небеснаго.
Радуйся, свете, его же не объят тьма латинская.
Радуйся, яко тобою мати градов русских Киев хвалится.
Радуйся, яко тебе ради и вся Русская земля веселится.
Радуйся, единокровных учителю единения.
Радуйся, в междуусобии сущим мира проповедниче.
Радуйся, взыскующим Царствия Божия незримый наставниче.
Радуйся, яко всем труждающимся и обремененным образ подвига сего являеши.
Радуйся, яко нас хладных подвигом любве твоея возгреваеши.
Радуйся, ревновати о своем спасении нас научаеши.
Радуйся, Божий избранниче,
Радуйся, Макарие, архиереом честное украшение.
Кондак 12
Благодать Пресвятаго Духа испроси нам, предстателю наш, да вся немощная в нас уврачуется, и оскудевающая восполняется; невернии и заблудшии к вере Христовой да обратятся, подражающе вере твоей; малодушнии и отчаянии надеждою несумненною да утвердятся, упованием на молитвы твои укрепляемы; жестоковыйнии и немилостивии любовию неоскудевающей да воспламенятся и твоею любовию распаляеми вси согласно да воззовут к Источнику всякия благостыни: Аллилуиа.
Икос 12
Поющим великия добродетели твои и честным мощам твоим покланяющимся, достохвальне отче Макарие, умоли Господа сил даровати коемуждо потребная и возбуди нас тепло взывати ти:
Радуйся, от Господа достойно венчанный.
Радуйся, ангелы радостно восхваляемый.
Радуйся, чудесы от честных мощей твоих паче слова прославляемый.
Радуйся, Михаила, Иллариона и прочих святителей киевских достойный приемниче.
Радуйся, аще и внезапную, но преславную кончину приявый.
Радуйся, пред престолом Господним неусыпный наш молитвенниче.
Радуйся, на небесную высоту воспаривый.
Радуйся, мудрость змиину и кротость голубину сочетавый.
Радуйся, заблудшия овцы на раменах своих ко Отцу принесый.
Радуйся, крепкая палица Христова.
Радуйся, истинная закона Божия скрижаль и источник чистыя благодати.
Радуйся, яко память твоя присно с похвалами.
Радуйся, Макарие, архиереом честное украшение.
Кондак 13
О предивный и преблаженный угодниче Христов, святый священномучениче, услыши нас грешных чад твоих и приими сие малое благохваление наше, многомощным предстательством твоим, отврати гнев Божий, праведно за грехи наши на ны движимый, и испроси нам прощения множества беззаконий наших, умоли даровати христианскую кончину живота нашего, да по велицей милости Господней муки вечныя избавльшеся, сподобимся улучити небесных благих, их же ты ныне наслаждаешися, поя Богу: Аллилуиа.
[Се́й конда́к глаго́лется три́жды.] [Далее повторяем 1-й икос и кондак:]
Икос 1
Ангела земнаго званием и человека небеснаго житием, яви тя небесе и земли Создатель: Емуже предстоя и ликовствуя непрестанно с небесными чинми, славословие возсылаеши и молением грешных людей от земли внемлеши, услыши и нас ко предстательству твоему усердно взывающих:
Радуйся, яко по имени твоему и житие твое блаженное.
Радуйся, Троическим единством священнотайне пpосвещаяйся.
Радуйся, к Триипостасному Свету и наши души возводяяй.
Радуйся, волю избравшаго тя Господа Христа творивый.
Радуйся, и нас творити волю Его своим житием научаяй.
Радуйся, Спасителя Бога любве искренний подражателю.
Радуйся, и наши души любовию Креста Его просвещаяй.
Радуйся, Духа Пресвятаго сосуде избранный.
Радуйся, и на нас благодать Его призываяй.
Радуйся, с Царицей Небесной пред Спасителем нашим предстателю.
Радуйся, непрестанный ангелов собеседнице.
Радуйся, о роде человечестем усердный молитвенниче
Радуйся, Макарие, архиереом честное украшение.
Кондак 1
Избранный чудотворче и преславный угодниче Христов, святителю отче Макарие, присно от лютых и напастей молитвами твоими избавляеми приносим ти похвальная. Ты же, яко имеяй дерзновение ко Господу, не престай от всех бед свобождати любовию тебе зовущих:
Радуйся, Макарие, архиереом честное украшение.
Молитва священномученику Макарию, митрополиту Киевскому
О великий угодниче Христов, святителю отче Макарие! В житии твоем чад твоих любовию смерти крепчайшею возлюбивый и за них душу свою предавый, призри от Горних Обителей на нас, вонми воздыханиям нашим сердечным, и помози нам недостойным и смиренным. Молися, святителю милостивый, да речет Он мир на люди Своя и на преподобныя Своя и на обращающия сердца к Нему. Даруй нам, отче наш, дух любве твоея ко святей матери нашей Церкви Христовой, укрепи ны, разслабленныя духом, отеческия предания хранити и о мимошедших напастех память спасительную имети и всегда благодарственная благодетелю Богу воспевати научи. Предстательством твоим у престола Господа сил испроси Церкви Христовой от ересей и расколов ограждение; к честным мощам твоим притекающим и чтущим святую память твою исполнение благих их прошений, и всем христианом вся ко временней и вечней жизни потребная, да прославляется о тебе пречестное и великолепное Имя Отца и Сына и Святаго Духа и ныне и присно и во веки веков. Аминь.