Софроній
Іркутський єп.
Піднесіть святому образу прикрасу на знак подяки за чудо або сповнення молитви.
Будьте першим, хто запалить свічку перед цим святим образом.
Дитячі роки Стефана проходили в містечку Березані, Переяславського повіту на Полтавщині, де сім’я переселилася після звільнення батька з військової служби. Пізніше він поступив до Київської духовної академії, де в той час навчався майбутній Святитель — Іоасаф, єпископ Білгородський.
Одержавши духовну освіту, Стефан поступив у Красноярський Преображенський монастир (пізніше і до теперішнього часу він став називатися Покровський, а з 1789 р. переоформлений у жіночий), де вже здійснював чернечий послух його старший брат, У 1730 р. Стефан прийняв постриг з ім’ям Софроній, на честь святителя Софронія, патріарха Єрусалимського. Через два роки, у 1723 р., у Києві, у Софійському соборі його посвятили в сан ієродиякона, а потім — ієромонаха. За указом преосвященного Арсенія (Берлова, або Берло) єпископа Переяславської єпархії, він був назначений економом в архієрейському домі, де 8 років чесно виконував свої обов’язки аж до переїзду в Санкт-Петербург у братство Александро-Невської обителі, де потрапив у число 29 ченців, запрошених із різних монастирів країни. Через рік його назначили скарбником монастиря, а в 1746 р. він був поставлений намісником Александро-Невського монастиря, пробувши на цій посаді більше 7 років.
У помічники він покликав свого земляка, уродженця міста Прилук, ієромонаха Сінесія, із яким не розлучався аж до своєї кончини.
У ці роки святитель Софроній затратив багато зусиль для впорядкування монастиря і поліпшення наукового процесу в семінарії, яка знаходилася на тій же території.
При ньому була побудована двоповерхова церква: верхня — на честь святителя Феодора Ярославовича, старшого брата Олександра Невського, і нижня — на честь святителя Іоанна Златоуста.
У 1747 р. помер єпископ Іркутський Інокентій II (Нерунович). Шість років одна з найбільших на території Іркутська єпархія залишалася без єпископа.
Імператриця Єлизавета Петрівна «своїм іменним» указом від 23 лютого 1753 р. за особистим підписом указала Святійшому синоду на благочестивого намісника Александро-Невського монастиря Софронія як на особу не тільки достойну єпископського сану, а й того, який сповна може оправдати бажання і надії цариці та синоду — взяти тяготи єпископського служіння в далекій окраїні й задоволити потреби пастви в суворій країні, серед дикої природи і людської сваволі. Було вирішено, що святитель Софроній буде здійснювати богослужіння в архієрейському саккосі, тоді як його попередники служили у фелоні.
Отже, 18 квітня 1753 р., у Фомину неділю, у Московському великому Успенському соборі ієромонах Софроній був посвячений в єпископа Іркутського і Нерчинського. Хіротонію ієромонаха Софронія здійснили архієпископ Московський і Севський Платон (Малиновський) з єпископом Коломенським Гавриїлом (Кременецьким), єпископом Тверським Веніаміном (Григоровичем), єпископом В’ятським Антонієм (Ілляшевичем) і єпископом Костромським Геннадієм (Андріївським).
Передбачаючи складне й багатотрудне служіння в Сибірському краю, новопоставлений святитель спочатку почав підбирати грамотних і духовноосвічених сподвижників.
Із цією метою він відвідав свою першу Красноярську обитель і побував у Києві, де молився про надання йому благословення на архіпастирську діяльність у Києво-Печерських угодників. На початку 1753 р. з Москви святитель відправився на свою кафедру. Дорога проходила через Тобольськ, тут він відпочивав у свого земляка митрополита Тобольського Сильвестра (Гловацького) — благочестивого і ревного просвітителя сибірських магометан і поган. Тільки 20 березня 1754 р. святитель добрався до Іркутська. Спочатку він відвідав Вознесенський монастир —місце проживання своїх попередників, помолився на могилі першого єпископа Інокентія (Кульчицького), віддаючи йому належну шану, і просив його духовної допомоги на свої труди.
Ознайомившись зі справами в єпархії, святитель розпочав перебудову духовної консисторії, монастирів і приходів. Він звернувся у Святійший синод із проханням прислати семінаристів чи інших достойних людей для священнослужіння в Іркутській єпархії, «где в оных лицах чувствуется крайняя скудность і нужда неотложная».
До часу приїзду святителя Софронія іркутські монастирі вже мали майже столітню історію. Засновники цих монастирів були пройняті палким бажанням чернечого, подвижницького життя. Проникливий святитель назначав настоятелями монастирів людей благочестивих, мудрих і діяльних, з великим життєвим і духовним досвідом. У 1754 р. преосвященний Софроній підвищив свого друга і сподвижника ієромонаха Сінесія до сану архімандрита Вознесенського монастиря. Цей настоятель послужив монастирю 33 роки до своєї блаженної кончини. Поважний довголітній архімандрит Нафанаїл (Калинницький), колишній настоятель Нерчинського, Якутського, Селінгінського та Іркутського монастирів, був назначений «первоприсутствующим» Іркутської духовної консисторії, а другим членом став освічений ієромонах Ілля (Веприцький), який прибув разом із владикою. Замість малограмотного будівничого Киренського монастиря ієромонаха Інокентія був назначений владикою вельми діяльний ієромонах Веніамін (Юзефович), а ігуменом Преображенського Посольського монастиря став прибулий разом із владикою освічений ієромонах Харківського колегіума Гервасій (Леонтович), який багато перетерпів тут і потрудився на благо обителі (
1760).
Уважно вивчаючи людей і обстановку, у проповідях й особистих розмовах святитель невпинно спонукував усіх до більш високих моральних ідеалів. Особливо звертав увагу на благоговійне й правильне звершення таїнств і богослужінь, а також слідкував за моральною чистотою мирян, турбувався про становище жінок у сім’ях, охороняв їх від несправедливого ставлення до них.
Покликаний на апостольське служіння в цей край, святитель Софроній усвідомлював, що, крім просвіти віруючих, йому прийдеться навертати до віри різних ідолопоклонників, яких у Сибіру було чимало.
Першими місіонерами були парафіяльні священики. На них здавна було покладено завдання навертати в Христову віру поган і магометан, вести точні записи новоохрещених.
При святителю Софронію в єпархії вперше ввійшли в місіонерську діяльність новозбудовані та новопосвячені п’ять храмів на далекій Камчатці, храми в селах прикордонної з Китаєм смуги, серед якутів та інших народностей Півночі.
Займаючись різними справами, святитель Софроній ніколи не забував про своє внутрішнє, духовне життя і вічність, тому постійно здійснював чернечі подвиги. Збереглися свідчення келейника святителя Софронія Петра Шергіна про те, як він проводив суворий спосіб життя: «їжу вживав просту і в малій кількості, служив у храмі, більшу половину ночі проводив у молитві, спав на долівці, овеча, оленяча чи ведмежа шкура і мала подушка — уся його постіль для короткого сну».
Відчуваючи погіршення здоров’я, святитель подав прохання в синод про звільнення. Але з відповіддю з Петербурга зволікали, напевно тому, що важко було відразу підібрати достойну заміну.
До кінця своїх днів святитель Софроній зберіг любов до Красногорської Золотоноської обителі, яка викохала й окрилила його для подальшого духовного росту, і, незадовго до відходу в потойбічний світ, він передав свою останню жертву на користь рідного монастиря — 3200 карбованців.
Переповнений любов’ю до Бога і ближніх, святитель Софроній в останні дні життя постійно молився.
30 березня 1771 р., на другий день Пасхи, для нього наступила блаженна кончина. Поки вичікували рішення синоду відносно його похорону, тіло святителя 6 місяшв залишалося не відданим землі й за той час не зазнало тління. Вже тоді з огляду на цю обставину, а також знаючи суворе подвижницьке життя святителя Софронія, благочестиві люди стали шанувати його як достойника Божого.
Огляд нетлінних останків проводився декілька разів у 1833 р. (при архієпископі Мелетії), у 1854 р. (при архієпископі Нілі), у 1870 р. (при архієпископі Веніаміні). У 1909 р. було проведено два рази офіційний огляд мощей святителя.
Комісія підтвердила, що гроб, одяг і тіло святителя Софронія — нетлінні. Віруючі свідчили про чудеса, які відбувалися біля його мощей. Тому місцеві єпископи Тихон в 1906 р. і Серафим у 1914 р. подали прохання в синод про необхідність прославлення святителя Софронія як Божого угодника. 18 квітня 1917 р. в Богоявленському соборі м. Іркутська, де знаходився гроб святителя Софронія з його нетлінними мощами, за невідомою причиною сталася пожежа, яка знищила гроб із мощами. Залишилися тільки кості святителя, які потім були зібрані в спеціальний ковчежець. Ця подія не зменшила, а навпаки, збільшила побожне вшанування святителя віруючим народом.
Софронію Іркутському, святителю
Конда́к 1
Возбра́нный Воево́до, Творе́ц веко́в, Госпо́дь, Ца́рь сла́вы, глубино́ю му́дрости помышля́я поле́зное в ро́ды родо́в о Це́ркви Свое́й, ви́дев на́ше малове́рие, грехо́вный со́н и охлажде́ние, чуде́с де́йство сугу́бо даде́ по сгоре́нии моще́й уго́днику Своему́, си́м показу́я ве́лие дерзнове́ние его́ ко Го́споду, да вси́ лю́ди страны́ Сиби́рския, возгора́ющеся ве́рою и любо́вию, воспою́т но́вому чудотво́рцу и цельбопода́телю и моли́твеннику своему́: от вся́ких бе́д свободи́ ны́, о́тче, зову́щия ти́:
Ра́дуйся, Софро́ние, горя́щий к Бо́гу огне́м любве́ неугаси́мыя.
И́кос 1
Ангелов Творе́ц, Госпо́дь Вседержи́тель, благода́тию Свое́ю возвыша́я челове́ки в пе́рвое досто́инство на небеси́, избра́ тя́, о́тче Софро́ние, да слу́жиши Ему́ во а́нгельском чину́ и мона́шествуеши на земли́. Мы́ же, воспомина́юще ю́ность и по́двиги твоя́, глаго́лем си́це:
Ра́дуйся, духо́вных роди́телей духо́вное ча́до; ра́дуйся, от ю́ности положи́вый до́брое нача́ло.
Ра́дуйся, нося́й и́мя соиме́нно перводиа́кону Стефа́ну; ра́дуйся, сподо́бивыйся слы́шати небе́сный гла́с во хра́ме.
Ра́дуйся, прему́дрости Бо́жией сы́н возлю́бленный; ра́дуйся, в постриже́нии Софро́нием нарече́нный.
Ра́дуйся, еще́ ю́н сы́й, бы́вый мона́хов наста́вниче; ра́дуйся, о́тче любвеоби́льный и стро́гий подви́жниче.
Ра́дуйся, Софро́ние, горя́щий к Бо́гу огне́м любве́ неугаси́мыя.
Конда́к 2
Ви́дя Елисаве́та, венча́нная Цари́ца, благонра́вие твое́ и свя́тость жития́, изволе́нием Бо́жиим избра́ тя в предстоя́теля Ла́вры Не́вския, да я́коже сла́вил еси́ Бо́га на ю́ге, та́ко и на се́вере, в сто́льном гра́де, научи́ши мона́хи и бельцы́ непреста́нно пе́ти Бо́гу а́нгельскую пе́снь: Аллилу́ия.
И́кос 2
Ра́зум, от прему́дрости Бо́жией дарова́нный, не можа́ше укры́тися в тебе́, но я́ко пресве́тлая звезда́ возсия́ на высоте́ архиере́йства и учи́тельства, озаря́я всю́ страну́ простра́нныя Сиби́ри уче́нием свои́м, внуша́я ве́рным ча́дам Це́ркви благода́рственно вопи́ти просвети́телю своему́:
Ра́дуйся, святи́телю богоизбра́нный и трудолюби́вый; ра́дуйся, тя́ бо не устраши́ пу́ть с лише́ниями многотру́дный.
Ра́дуйся, мы́ бо тя́ прие́млем я́ко дру́га Бо́жия; ра́дуйся, име́л бо и ты́ дру́га душе́ и́нока пра́ведна Сине́сия.
Ра́дуйся, му́жу жела́ний, благода́ти Бо́жией носи́телю; ра́дуйся, архипа́стырю Ирку́тский, Инноке́нтия свята́го вторы́й замести́телю.
Ра́дуйся, иера́рше Бо́гом избра́нный и лю́дем благоприя́тный; ра́дуйся, от свяще́ннаго собо́ра и от жи́тель гра́да Ирку́тска ра́достно прия́тый.
Ра́дуйся, Софро́ние, горя́щий к Бо́гу огне́м любве́ неугаси́мыя.
Конда́к 3
Си́лою свы́ше облече́н бы́в, святи́телю Софро́ние, обходя́ гра́ды и ве́си па́ствы твое́й, оте́чески наказу́я кли́рики и иере́и, да слу́жат Бо́гу со стра́хом, по досто́инству са́на своего́, да уча́т де́ти, отцы́ и ма́тери разу́мно пе́ти небе́сную пе́снь: Аллилу́ия.
И́кос 3
Име́я ре́вность по Бо́зе, я́коже и проро́к Илия́, вся́каго вла́сть иму́щаго учи́л еси́ пра́во ходи́ти в зако́не Госпо́дни, пра́вду и су́д твори́ти, заступа́ти немощны́я, си́рых и вдови́ц от напа́сти избавля́ти, к ни́щим ми́лостивым бы́ти, за е́же ублажа́юще тя́, та́ко глаго́лем:
Ра́дуйся, о́тче, пра́вых путе́й люби́телю; ра́дуйся, злоко́зненных нра́вов искорени́телю.
Ра́дуйся, и́стин ева́нгельских провозве́стниче; ра́дуйся, зла́го властели́на усмири́телю.
Ра́дуйся, я́ко гра́да Не́рчинска пе́рвый бы́в посети́тель; ра́дуйся, свои́м служе́нием оста́вивый па́мять ча́дам и роди́телям.
Ра́дуйся, от сосу́да се́рдца своего́ благода́ть все́м излива́яй; ра́дуйся, земли́ не́рчинской небе́сное благослове́ние подава́яй.
Ра́дуйся, Софро́ние, горя́щий к Бо́гу огне́м любве́ неугаси́мыя.
Конда́к 4
Бу́рю вну́тренних волне́ний не моги́й стерпе́ти, ревни́телю благоче́стия, я́ко не воздае́тся че́сть благове́стом церко́вному песнопе́нию в литурги́и, вече́рни и у́трени; та́же горя́ любо́вию ко сла́ве Бо́жией, повеле́л еси́ на Досто́йно, на Го́споди воззва́х и на Честне́йшую ударя́ти в кампа́н, да христиа́не, в доме́х и на пути́ слы́шаше гла́с Це́ркве, воспою́т хвалу́ Бо́гу: Аллилу́ия.
И́кос 4
Слы́шав рече́ние Госпо́дне: и́же сотвори́т и научи́т, се́й ве́лий нарече́тся во Ца́рствии Небе́снем. Де́лом сло́во исполня́я: моли́тву, по́ст, покло́ны и вся́ко томле́ние пло́ти восприя́л еси́, к си́м же и человеколю́бия не оставля́я к ме́ньшей бра́тии, я́ко пре́жде кончи́ны возмо́гл еси́ свя́тость стяжа́ти, за е́же приими́ похвалу́ сию́:
Ра́дуйся, о́тче, любве́ ра́ди Христо́вы земна́я оста́вивый; ра́дуйся, ея́же ра́ди вся́ кра́сныя ни вочто́же вмени́вый.
Ра́дуйся, блаже́нство облобыза́вый нищеты́ духо́вныя; ра́дуйся, стра́хом Бо́жиим попали́вый стра́сти грехо́вныя.
Ра́дуйся, прия́вый и́го Христо́во на ра́мена измла́да; ра́дуйся, у́зким путе́м ше́ствовавый неукло́нно до вы́шняго гра́да.
Ра́дуйся, нетле́нных бла́г на небеси́ облада́телю; ра́дуйся, ди́вныя сла́вы во све́тлости святы́х созерца́телю.
Ра́дуйся, Софро́ние, горя́щий к Бо́гу огне́м любве́ неугаси́мыя.
Конда́к 5
Богото́чною кро́вию, обнови́вшему ро́д челове́ческий, Христу́ после́довал еси́, блаже́нне, принося́ Ему́ бескро́вную же́ртву во оставле́ние грехо́в люде́й твои́х, та́же и всего́ себе́ прине́сл еси́ во всесожже́ние, явля́яся исто́чником исцеле́ний, бесо́в прогони́тель и зри́тель та́ин серде́чных, возбужда́я лю́ди, зря́щия чудеса́, пе́ти Бо́гу: Аллилу́ия.
И́кос 5
Ви́девше сы́нове вели́кия Сиби́ри пречу́дное твое́ житие́, а́ще и в после́дняя ле́та возсия́л еси́ в новопросвеще́нней стране́, о́тче Софро́ние, оба́че дре́вних оте́ц сподобля́яся че́сти, ра́вное дарова́ние и чуде́с творе́ние прия́л еси́ от Бо́га, Его́ же благодаря́ще, тя́ велича́ем приве́тствии си́ми:
Ра́дуйся, иера́рше, Никола́я Чудотво́рца ревни́телю; ра́дуйся, ди́вному Инноке́нтию ве́рный подража́телю.
Ра́дуйся, соседа́телю в вы́шних все́м святи́телем; ра́дуйся, и земны́х явля́яся от искуше́ний храни́телем.
Ра́дуйся, благоче́стие и ве́ру соблюды́й нескве́рно; ра́дуйся, в венце́ сла́вы предстоя́ Све́ту Невече́рню.
Ра́дуйся, на све́т яви́выйся, егда́ Христо́с роди́ся; ра́дуйся, ты́ бо во све́тлыя дни́ Па́схи ко Го́споду преста́вился.
Ра́дуйся, Софро́ние, горя́щий к Бо́гу огне́м любве́ неугаси́мыя.
Конда́к 6
Пропове́дник бы́вый ве́ры Христо́вы и позна́ния и́стины в монго́лех и во вся́ком язы́це бли́жния и да́льния Сиби́ри, прише́л еси́ и ко своему́ преде́лу, е́же е́сть: земля́ еси́ и в зе́млю оты́деши, отда́в ду́х Бо́гу, те́ло же оста́вив ве́рным на мно́га ле́та в пеще́ре, да приходя́щие пою́т надгро́бную пе́снь: Аллилу́ия.
И́кос 6
Возсия́вшее со́лнце в земли́ Ирку́тстей, святы́й Софро́ний, в ста́рости прекло́нней позна́ за́пад сво́й, оста́вив земна́я, восприя́л е́сть от руки́ Госпо́дни ве́чная блага́я, е́же мы́ позна́хом от чуде́с и целе́бныя си́лы, прису́щия святы́м моще́м его́, и удивля́яся, пое́м ему́ такова́я:
Ра́дуйся, па́стырю, неусы́пно пасы́й Христо́во ста́до; ра́дуйся, наде́ждо ненаде́жных и серде́чней туге́ отра́до.
Ра́дуйся, ты́ бо отше́л еси́ прия́ти вене́ц сла́вы; ра́дуйся, и́бо оправда́ся на тебе́ су́д Бо́жией пра́вды.
Ра́дуйся, твоя́ бо душа́ вчине́на е́сть в святи́телей ли́ки; ра́дуйся, я́ко си́це блаже́нство пребу́дет в бесконе́чные ве́ки.
Ра́дуйся, те́ло бо твое́ оста́ся нетле́нно; ра́дуйся, я́ко чу́до сие́ бы́сть все́й Це́ркви нашей явле́нно.
Ра́дуйся, Софро́ние, горя́щий к Бо́гу огне́м любве́ неугаси́мыя.
Конда́к 7
Хотя́ Госпо́дь уте́шити избра́нныя лю́ди Своя́, междоусо́бным искуше́нием угнете́нныя, волно́ю неве́рия коле́блемыя и вку́пе с па́стырьми гони́мыя, откры́л е́сть сла́ву уго́дника Своего́, преблаже́ннаго Софро́ния, ю́же и́мать со святы́ми на небеси́, да притека́юще лю́дие к его́ моли́твенной по́мощи, пою́т Христу́ Бо́гу: Аллилу́ия.
И́кос 7
Ди́вное зна́мение нача́ явля́тися у ра́ки святы́х моще́й твои́х, о́тче преподо́бне. Уврачева́л бо еси́ пе́рвее языкобо́лие, та́же зубо́в возболе́ние, та́же и си́лу огне́вицы отроча́т угаси́л еси́, за е́же благода́рственно прино́сим ти́ пе́сни сия́:
Ра́дуйся, врачу́ безме́здный и цельбопода́телю; ра́дуйся, пома́занием еле́я боле́зней облегчи́телю.
Ра́дуйся, излива́яй ми́лость на кни́жных, разу́мных и просты́х; ра́дуйся, обновля́яй ве́ру искуше́нием коле́блемых.
Ра́дуйся, явле́нием свои́м от позо́рныя сме́рти избавля́яй; ра́дуйся, моли́твою твое́ю и ко́ни свире́пыя укроща́яй.
Ра́дуйся, те́плое утеше́ние все́х гони́мых и скорбя́щих; ра́дуйся, предста́телю Госпо́день за все́х к тебе́ прибега́ющих.
Ра́дуйся, Софро́ние, горя́щий к Бо́гу огне́м любве́ неугаси́мыя.
Конда́к 8
Стра́нно чу́до, ка́ко ча́сти косте́й святы́х му́чеников источа́ют исцеле́ние; се ны́не ви́дим ко́сти святи́теля Софро́ния огне́м изнуре́ны, и от на́с гре́шных сокрове́нны, ра́ны и вре́д врачу́ют, и вся́ко томле́ние души́ скорбя́щия на ра́дость прелага́ют. Вои́стину чу́до пресла́вно! Сего́ ра́ди чуде́с да́телю Бо́гу пое́м: Аллилу́ия.
И́кос 8
Ве́сь еси́ ты́ о́тче, водворя́ешися в вы́шних, но и ни́жних, на́с гре́шных, от ско́рби и от ду́ха уны́ния до́лу пони́кших, не оставля́еши, при́сно бо притека́ющим к тебе́ помоществу́еши, печа́ль на ра́дость и ску́дость на дово́льство прелага́еши. За вся́ сия́ тя́ ублажа́юще, глаго́лем си́це:
Ра́дуйся, исто́чниче при́сный благода́тных исцеле́ний; ра́дуйся, разреша́яй же́н от тя́жких рожде́ний.
Ра́дуйся, умо́м изумле́нным ра́зум возвраща́яй; ра́дуйся, явле́нием во сне́ изломле́ние косте́й исправля́яй.
Ра́дуйся, избавля́яй от стра́ха нощна́го боязли́выя; ра́дуйся, прогони́телю блу́днаго бе́са и пода́телю целому́дрия.
Ра́дуйся, о́ком твои́м свы́ше на и́ноческия оби́тели призира́ющий; ра́дуйся, о́гненным столпо́м в возгоре́нии гра́да мо́щи твоя́ показу́ющий.
Ра́дуйся, Софро́ние, горящий к Богу огнем любве неугасимыя.
Конда́к 9
Вся́кий естества́ зако́н превосхо́дит, е́же ты́ твори́ши, о, вели́кий чудотво́рче! Из подспу́да бо земна́го явля́яся, глаго́леши избра́нным: просла́вите мя́ и а́з ва́с просла́влю; и повелева́еши, да сотворя́т огражде́ние над гро́бом твои́м, да не попира́ется нога́ми ме́сто свято́е, но, со стра́хом, ходя́ще лю́дие о́крест, пою́т: Аллилу́ия.
И́кос 9
Вети́и многовеща́ннии, неразуме́юще та́йны Бо́жией, я́же о Софро́нии, егда́ узре́ша ды́м запале́ния от святы́х моще́й, ве́лиим гла́сом, на сто́гнах гра́да и в доме́х велему́дренно крича́ху правосла́вным: Уа́! Где́ е́сть ве́ра ва́ша? Где́ свя́тость? Где́ мо́щи? Аще Софро́ний бе́ свя́т, почто́ не проти́вися огню́? И руга́хуся ве́ре Христо́вой. Та́же ви́девше мно́жество чуде́с па́че пре́жняго, позна́ша я́ко Бо́г поруга́ем не быва́ет: зазира́ху себе́, возжига́ху свещи́, припа́даху к честны́м оста́нкам святы́х моще́й, бия́ху в пе́рси своя́ и, в глубо́цем молча́нии, се́рдцем вопия́ху:
Ра́дуйся, Софро́ние, чуде́с де́лателю новоявле́нный; ра́дуйся, подая́й проще́ние в покая́нии прося́щим смире́нно.
Ра́дуйся, име́яй вла́сть вяза́ти и реши́ти; ра́дуйся, и моще́м свои́м ниспосла́вый мно́жайшую си́лу благода́ти.
Ра́дуйся, огнепа́льным де́йством ли́ку сочета́выйся священному́чеников; ра́дуйся, о́тче ми́лостивый, вразуми́телю моще́й твои́х ху́льников.
Ра́дуйся, огражда́яй па́ству твою́ от диа́вольских умышле́ний; ра́дуйся, пода́телю благослове́ния внача́ле до́брых начина́ний.
Ра́дуйся, Софро́ние, горя́щий к Бо́гу огне́м любве́ неугаси́мыя.
Конда́к 10
Спасти́ хотя́ гра́д сво́й от кровопроли́тныя бра́ни, миротво́рный о́тче, яви́лся еси́ прославля́ющему тя́ сопресто́льнику твоему́ архипа́стырю Иоа́нну. Мужа́йся, — ре́кл еси́ ему́. Та́же и пре́жде явле́йся, показу́я гро́б сво́й и глаго́ля: гро́б се́й ве́тхий, нетре́бен ми́ еси́, е́же зна́менова самоприноше́ние в умилостиви́тельную же́ртву о гра́де. Позна́ти та́йну сию́ Иоа́нн не можа́ше. Егда́ сбы́стся рече́нное, о́н и вся́ лю́ди со умиле́нием воспе́ша хвалу́ Бо́гу: Аллилу́ия.
И́кос 10
Стена́ ка́менна пря́мо, стена́ одесну́ю, стена́ ошу́юю в пеще́ре, иде́же бе́ храни́мо те́ло твое́, уго́дниче Христо́в, я́ко не́сть возмо́жно прони́кнути та́мо пла́мени. Оба́че Христо́с Госпо́дь, прему́дростию Свое́ю устроя́яй поле́зное Це́ркви, попусти́л е́сть, да сгори́т гро́б тво́й и те́ло твое́, показу́я си́м, я́ко догма́т свята́го Правосла́вия не́сть чу́вственное и осяза́емое, но серде́чною ве́рою постига́емое и наде́ждею возмога́емое, и пе́ти тебе́ любо́вию науча́ющее:
Ра́дуйся, мы́сленный изъяви́телю Правосла́вия; ра́дуйся, смотри́тельно преда́вый мо́щи своя́ на сожже́ние.
Ра́дуйся, венце́м священному́ченика украси́выйся по преставле́нии; ра́дуйся, кротча́йший о́тче, никого́ же обличи́вый в запале́нии.
Ра́дуйся, пра́вды Бо́жией и прему́дрости честно́е ору́дие; ра́дуйся, предвари́вый Иоа́нну во сне́ — бы́ти иму́щее.
Ра́дуйся, я́ко по сгоре́нии усугу́бивый чудоде́йствия; ра́дуйся, си́ми бо чудесы́ возвесели́шася лю́ди Ирку́тска.
Ра́дуйся, Софро́ние, горя́щий к Бо́гу огне́м любве́ неугаси́мыя.
Конда́к 11
Пе́ние всеумиле́нное и горя́чую моли́тву возне́сл еси́ к Бо́гу в годи́ну междоусо́бныя бра́ни о гра́де твое́м, вели́кий на́ш засту́пниче, я́ко ни еди́ному гла́су ору́жному слы́шатися во гра́де в де́нь прославле́ния твоего́, и та́ко свяще́нный собо́р и мно́жество ве́рных возмого́ша в ми́рной тишине́ воспе́ти тебе́ хвалу́ и Бо́гу: Аллилу́ия.
И́кос 11
Свети́льника Це́ркве — тре́тияго епи́скопа Ирку́тскаго — устро́и тя́ Бо́г, в трие́х Ипоста́сех сла́вимый, богоблаже́нне Софро́ние. Всесвяты́й же Ду́х, Бо́г всемогу́щий, всепрему́дрый, самовлады́чный, самоповели́тельный, испо́лнил е́сть тя́ ду́ха прему́дрости, ду́ха ра́зума, ду́ха стра́ха Бо́жия, да си́ми дара́ми Ду́ха Свята́го приведе́ши лю́ди ко спасе́нию, вопию́щия ти́:
Ра́дуйся, вмести́лище даро́в Ду́ха Свята́го; ра́дуйся, очисти́лище челове́ческаго зла́го нра́ва.
Ра́дуйся, от стра́сти пья́нственныя лю́ди свобожда́яй; ра́дуйся, от бо́ли главы́, зубо́в и стома́ха избавля́яй.
Ра́дуйся, тече́ние кро́ви и воды́, я́же в те́ле, прикоснове́нием уставля́яй; ра́дуйся, и срачи́цею возложе́нною на гро́б тво́й, здра́вие подава́яй.
Ра́дуйся, устроя́яй бе́дствующим жили́ща к пребыва́нию; ра́дуйся, неиму́щим, где́ главу́ подклони́ти, кро́в даю́щий и пропита́ние.
Ра́дуйся, Софро́ние, горя́щий к Бо́гу огне́м любве́ неугаси́мыя.
Конда́к 12
Благода́ть, да́нную ти́ от Бо́га, ве́дуще, приле́жно про́сим тя́, о́тче Софро́ние, проле́й ны́не те́плую твою́ моли́тву о на́с ко Го́споду, да презре́в вся́ на́ша согреше́ния, да́рует на́м ми́рное житие́, дру́г ко дру́гу любве́ испо́лненное. Гра́ды и це́ркви не разори́мы да сохрани́т, оби́лие вся́ких плодо́в земли́ да да́рует, и все́х на́с да спасе́т и поми́лует; мы́ же благода́рным се́рдцем воспое́м Ему́: Аллилу́ия.
И́кос 12
Пою́ще ди́внаго во святы́х Свои́х Царя́ Небе́снаго, просла́вльшаго тя́, ве́рнаго раба́ Своего́, ми́лостивое твое́, ско́рое на́м во вся́ких ну́ждах, поможе́ние прославля́ем и, Бо́га благодаря́ще, ра́достно ти́ глаго́лем:
Ра́дуйся, великосла́вный Сиби́рский засту́пниче; ра́дуйся, соверше́нный в доброде́телех челове́че.
Ра́дуйся, подража́телю святы́х и священному́чеников; ра́дуйся, благи́й и до́брый наста́вниче и́ноков.
Ра́дуйся, Пресвяты́я Богоро́дицы изве́стный умилостиви́телю; ра́дуйся, моли́твенниче за гра́д на́ш и всея́ страны́ покрови́телю.
Ра́дуйся, све́та Ева́нгельскаго всесве́тлое сия́ние; ра́дуйся, во тьме́ грехо́вней су́щим просвеща́ющее озаре́ние.
Ра́дуйся, Софро́ние, горя́щий к Бо́гу огне́м любве́ неугаси́мыя.
Конда́к 13
О, чудотво́рче пресла́вный и засту́пниче на́ш, богому́дре Софро́ние! Приими́ ма́лое сие́ моле́ние на́ше, я́коже Христо́с прия́л вдови́цы две́ ле́пты, и богоприя́тным твои́м хода́тайством умоли́ Го́спода си́л си́лу свы́ше на́м пода́ти на исправле́ние жития́, да Того́ благода́тию от грехо́в очи́стившимся, гее́нны изба́витися и гряду́щая на небесе́х блага́я улучи́ти, вопию́щим Ему́: Аллилу́ия.
[Се́й конда́к глаго́лется три́жды.] [Далее повторяем 1‑е икос и кондак:]
И́кос 1
Ангелов Творе́ц, Госпо́дь Вседержи́тель, благода́тию Свое́ю возвыша́я челове́ки в пе́рвое досто́инство на небеси́, избра́ тя́, о́тче Софро́ние, да слу́жиши Ему́ во а́нгельском чину́ и мона́шествуеши на земли́. Мы́ же, воспомина́юще ю́ность и по́двиги твоя́, глаго́лем си́це:
Ра́дуйся, духо́вных роди́телей духо́вное ча́до; ра́дуйся, от ю́ности положи́вый до́брое нача́ло.
Ра́дуйся, нося́й и́мя соиме́нно перводиа́кону Стефа́ну; ра́дуйся, сподо́бивыйся слы́шати небе́сный гла́с во хра́ме.
Ра́дуйся, прему́дрости Бо́жией сы́н возлю́бленный; ра́дуйся, в постриже́нии Софро́нием нарече́нный.
Ра́дуйся, еще́ ю́н сы́й, бы́вый мона́хов наста́вниче; ра́дуйся, о́тче любвеоби́льный и стро́гий подви́жниче.
Ра́дуйся, Софро́ние, горя́щий к Бо́гу огне́м любве́ неугаси́мыя.
Конда́к 1
Возбра́нный Воево́до, Творе́ц веко́в, Госпо́дь, Ца́рь сла́вы, глубино́ю му́дрости помышля́я поле́зное в ро́ды родо́в о Це́ркви Свое́й, ви́дев на́ше малове́рие, грехо́вный со́н и охлажде́ние, чуде́с де́йство сугу́бо даде́ по сгоре́нии моще́й уго́днику Своему́, си́м показу́я ве́лие дерзнове́ние его́ ко Го́споду, да вси́ лю́ди страны́ Сиби́рския, возгора́ющеся ве́рою и любо́вию, воспою́т но́вому чудотво́рцу и цельбопода́телю и моли́твеннику своему́: от вся́ких бе́д свободи́ ны́, о́тче, зову́щия ти́:
Ра́дуйся, Софро́ние, горя́щий к Бо́гу огне́м любве́ неугаси́мыя.
Моли́тва святи́телю Софро́нию
Свя́тче Бо́жий, святи́телю Христо́в, до́брый па́стырю слове́снаго ста́да, челове́че Бо́жий, но́вый чудотво́рче и неусы́пный к Бо́гу моли́твенниче за страну́ сию́, о́тче Софро́ние! При́зри с высоты́ небе́сныя на на́с, с ве́рою и любо́вию покланя́ющихся о́бразу твоему́ и честны́м оста́нкам святы́х моще́й, в на́ше утеше́ние избы́вшим от всепояда́ющаго огня́. При́зри, свя́тче Бо́жий, и ви́ждь на́ше нестрое́ние и раздо́ры, на́шу тугу́, ско́рбь и серде́чную боле́знь, от лише́ния бра́тския любве́ пребыва́ющия. Испроси́ у Христа́ Бо́га коему́ждо на́м благода́ти смире́ния, позна́ние своея́ грехо́вности и самоукоре́ния, да, внима́юще ки́йждо свое́й со́вести, преста́нем осужда́ти бли́жняго, клевета́ти и поноша́ти, но, соедини́вшеся ко дру́г дру́гу любо́вию, сподо́бимся ми́рно во смире́нии про́чее вре́мя живота́ на́шего пожи́ти и улучи́ти христиа́нскую кончи́ну. Да, совоку́пльшеся в бу́дущей жи́зни со все́ми святы́ми и с тобо́ю, па́стырю на́ш, просла́вим Еди́наго в Тро́ице сла́вимаго Бо́га, Отца́ и Сы́на и Свята́го Ду́ха, во ве́ки веко́в. Ами́нь.