Всеволод
Новгородський, Псковський
Піднесіть святому образу прикрасу на знак подяки за чудо або сповнення молитви.
Будьте першим, хто запалить свічку перед цим святим образом.
Святий благовірний князь Всеволод, у Хрещенні Гавриїл, Псковський, онук Володимира Мономаха, народився і майже все життя прожив у Новгороді, де в 1088–1093 та 1095–1117 роках княжив його батько, святий благовірний князь Мстислав-Феодор Великий († 15 квітня 1132). У 1117 році, коли великий князь Володимир Мономах дав в уділ Мстиславу Білгород Київський, фактично зробивши його своїм співправителем, молодий Всеволод залишився намісником батька на Новгородському княжінні. Багато доброго зробив святий князь Всеволод для Новгорода. Зі святителем Нифонтом, архієпископом Новгородським (пам’ять 8 квітня), він спорудив безліч храмів, серед яких — собор великомученика Георгія в Юріївському монастирі та храм святого Іоанна Предтечі на Опоках, побудований на честь Ангела його сина-первістка Іоанна, який помер у немовлячому віці († 1128). В Уставі князь дарував пільгові грамоти собору Святої Софії та іншим церквам. Під час страшного голоду, рятуючи людей від загибелі, він витратив усю скарбницю. Князь Всеволод був доблесним воїном, переможно ходив на ямь (у 1123 р.) і на чудь, але ніколи не брався за меч заради користі та влади.
У 1132 році, після смерті святого великого князя Мстислава, Київський князь Ярополк Володимирович, дядько Всеволода, наслідуючи заповіт брата, перевів Всеволода до Переяслава Південного, що вважався старшим після Києва містом. Але молодші сини Мономаха — Юрій Долгорукий та Андрій Добрий, побоюючись, що Ярополк зробить Всеволода своїм спадкоємцем, виступили проти племінника. Не бажаючи міжусобиць, святий князь повернувся до Новгорода, але його прийняли з невдоволенням. Новгородці вважали, що князь був «вигодований» ними і не повинен був їх покидати. «Ходив Всеволод у Русь, у Переяслав, — зазначив новгородський літописець, — а цілував хрест новгородцям, сказавши: „хочу у вас померти“». Прагнучи відновити добрі стосунки з новгородцями, князь у 1133 році здійснив новий переможний похід на чудь і приєднав до новгородських володінь Юр’єв. Але важкий зимовий похід 1135–1136 років на Суздаль закінчився невдачею. Свавільні новгородці не врозумилися Божою карою і не могли пробачити поразку своєму князеві. Віче вирішило призвати князя з ворожого Мономаховичам роду Ольговичів, а святого Всеволода засудило на вигнання: «вигнання перетерпів єси від своїх», — співається в тропарі святому. Півтора місяця князя з сім’єю, як злочинця, тримали під вартою на архієрейському дворі, а коли прибув князь Святослав Ольгович, «пустиша з міста».
Всеволод знову пішов до Києва, і дядько Ярополк дав йому у володіння Вишгородську волость під Києвом, де в Х столітті, у роки правління свого сина Святослава, жила свята рівноапостольна велика княгиня Російська Ольга (пам’ять 11 липня). Ольга, «градів Києва і Пскова досконала красо», захистила свого несправедливо скривдженого нащадка: наступного, 1137 року жителі Пскова, які пам’ятали походи новгородсько-псковського війська під проводом князя, призвали його на псковське княжіння, на батьківщину рівноапостольної Ольги. Це був перший Псковський князь, обраний з волі самих псковичів. Славним діянням святого благовірного князя Всеволода-Гавриила у Пскові було будівництво першого кам’яного храму в Ім’я Живоначальної Трійці на місці дерев’яного, часів рівноапостольної Ольги. На іконах святого часто зображують, як він тримає в руці храм «з однією банею — Свята Трійця». Лише рік княжив у Пскові святий Всеволод — 11 лютого 1138 року він упокоївся, проживши 46 років. Весь Псков зібрався на поховання улюбленого князя, не було чути церковного співу від народного плачу. Новгородці, схаменувшись, прислали протопопа з Софійського собору, щоб забрати до Новгорода його святе тіло, але князь відвернувся від Новгорода, і рака не рушила з місця. Гірко плакали новгородці, каючись у невдячності, і благали дарувати їм хоч малу частку святого праху «на утвердження граду». За їхніми молитвами відпав ніготь від руки святого.
Псковичі поклали святого Всеволода в храмі святого великомученика Димитрія. Поруч із гробом поставили бойову зброю князя — щит і меч, що мав форму хреста, з написом латиною: «Честь мою нікому не віддам». Ніколи не порушувався глибокий духовний зв’язок міста святої рівноапостольної Ольги зі святим князем: він назавжди залишився псковським чудотворцем. Під час облоги Пскова Стефаном Баторієм у 1581 році, коли вже була зруйнована фортечна стіна і поляки були готові увірватися в місто, з Троїцького собору з хресною ходою принесли на місце битви святі мощі князя Всеволода, і ворог відступив. При явленні чудотворної Псково-Покровської ікони (пам’ять 1 жовтня) святий благовірний князь Всеволод-Гавриил був серед небесних захисників Пскова.
Віднайдення мощей відбулося 27 листопада 1192 року, коли мощі святого князя Всеволода були перенесені в Троїцький собор, у якому було освячено на його честь приділ. 22 квітня 1834 року, у перший день Великодня, святі мощі були урочисто перенесені в головний храм собору. Російська Церква славить святого Всеволода як сповідника, «що перетерпів вигнання від своїх», а Господь прославив його як вірного раба Свого чудовими зціленнями, що звершувалися біля його гробу. Хоча князь жив у Пскові лише один рік, проте залишив по собі глибоку пам’ять. У всіх важких обставинах життя псковичі вдавалися до допомоги свого святого князя. Під час облоги Пскова Стефаном Баторієм для підбадьорення захисників міста приносили в їхні лави з собору Святої Трійці ікону, що зображує благовірного князя Всеволода-Гавриила, і натхненні захисники Пскова мужньо відбивали приступи польського війська.
Всеволоду, у Святому Хрещенні Гавриїлу, Псковському чудотворцю, благовірному князю
Кондак 1
Избранный угодниче Божий, благий заступниче града Пскова и всея державы Русския благоверный княже Гаврииле! Приими от нас милостивно сия песни хвалебныя, и яко имеяй дерзновение ко Господу, молися Ему выну о спасении от всяких бед нас грешных, зовущих ти радостно:
Радуйся, святый благоверный княже Всеволоде Гаврииле, теплый о нас молитвенниче.
Икос 1
Ангела нравом, аще и человека естеством, вемы тя, святый благоверный княже Всеволоде Гаврииле; кротостию бо и милостию преисполнен был еси, блаженне, и соуз совершенства духовнаго, любовь божественную, стяжал еси от юности твоея, яко быти тебе воистину угодником Божиим, достойным похвал таковых:
Радуйся, от корене святаго произрастший;
радуйся, великаго и равноапостольнаго князя Владимира правнуче благословенный.
Радуйся, благоверных родителей сыне;
радуйся, княжескаго рода прозябение честное.
Радуйся, родителя твоего, князя Мстислава, добродетели унаследивый;
радуйся, благочестию его и храбрости подражавый.
Радуйся, от младых лет страху Божию наученный;
радуйся, от юности твоея чтение слова Божия возлюбивый.
Радуйся, молитвами и милостынями Богу угождавый;
радуйся, целомудрием и воздержанием себе украшавый.
Радуйся, праведниче Божий, Егоже правда сияет непомеркаемо во веки;
радуйся, угодниче Христов, прославленный на небеси и на земли.
Радуйся, святый благоверный княже Всеволоде Гаврииле, теплый о нас молитвенниче.
Кондак 2
Видя себе поставлена волею родителя твоего, князя Мстислава, на княжение великаго Новаграда, святый благоверный княже Всеволоде Гаврииле, храбро отражал еси враги, на него нападавшия, и суды милостивы творил еси людем твоим, созидал и благоукрашал храмы Божия и обители святыя, немолчно воспевая среди трудов твоих праведных хвалебную песнь Богу: Аллилуиа.
Икос 2
Разумно бысть всем людем Новоградским благочестие твое христианское, святый благоверный княже Всеволоде Гаврииле, егда обитель во имя святаго великомученика и победоносца Георгиа близ Новаграда соорудил еси и соборный храм из камене в ней создал еси, иже доныне свидетельствует нам о твоем благочестии, о немже тя ублажаем и зовем:
Радуйся, властителю милостивый и кроткий;
радуйся, власть земную праведно и благочестно содержавый.
Радуйся, нищих и убогих препитавый;
радуйся, вдовицам и сиротам защитник бывый.
Радуйся, болящих и странников в доме твоем упокоевавый;
радуйся, язвы и струпы прокаженных руками твоими врачевавый.
Радуйся, иноков любителю и покровителю;
радуйся, священников усердный почитателю.
Радуйся, храмы Божия от имений твоих благоукрашавый;
радуйся, обители иноческия созидавый.
Радуйся, Богу и ближним твоим ревностно служивый.
Радуйся, святый благоверный княже Всеволоде Гаврииле, теплый о нас молитвенниче.
Кондак 3
Силою Божию укрепляемь, святый благоверный княже Всеволоде Гаврииле, полчища инородцев, разорявшия пределы Новоградския, мужественно победил еси, и во дни глада люди твоя препитал еси, истощевая на них все достояние твое княжеское, яко быти тебе воистину отцем и кормителем великаго Новаграда и всея его области, о немже нищии и убозии славяху Бога и вопияху Ему: Аллилуиа.
Икос 3
Имея страх Божий в сердцы твоем, святый благоверный княже Всеволоде Гаврииле, послушание явил еси старейшему великому князю Ярополку и по воли его от великаго Новаграда в Переяславль княжити прешел еси, но по воли Божией в мале времени паки в великий Новград возвратился еси княжити, и, имея пособника себе Нифонта, соборный храм великаго святителя и чудотворца Николая тамо соорудил еси, и храмы Богоматере и Предтечи создал еси, сим показуяй велию любовь твою к Богу и святым Его и подвизаяй нас хвалебно взывати к тебе:
Радуйся, образ послушания нам в себе, явивый;
радуйся, воли старейшаго великаго князя волю твою покоривый.
Радуйся, преселник в земли твоей бывый;
радуйся, горняго града выну усердно взыскавый.
Радуйся, мудрый странниче, на путь спасения стопы твоя направивый;
радуйся, Божий избранниче, скорби многи претерпевый.
Радуйся, кротко и мирно в великий Новград княжити возвративыйся;
радуйся, богоугодно и праведно тамо княживый.
Радуйся, блаженный храмоздателю;
радуйся, благолепия церковнаго любителю.
Радуйся, святых Божиих усердный чтителю;
радуйся, небесныя их славы сонаследниче.
Радуйся, святый благоверный княже Всеволоде Гаврииле, теплый о нас молитвенниче.
Кондак 4
Буря смятения народнаго возшуме на тя люте, святый благоверный княже Всеволоде Гаврииле: буии и жестоковыйнии от людий Новоградских, забывше вся твоя благодеяния, им явленная, возсташа на тя гневом, егда побеждени быша полки их от полков суждальских в междоусобней брани; ты же, гневу их уступая, кротце отшел от них к великому князю в Киев, зовый во смирении духа ко Господу: Аллилуиа.
Икос 4
Слышавше о премногих скорбех и безчестиих претерпенных тобою, святый благоверный княже Всеволоде Гаврииле, от буйных и своевольных людий тебе подвластных, дивимся кротости и терпению твоему и, яко вернаго подражателя Христова и мучеником равна, ублажаем тя с любовию песньми хвалебными таковыми:
Радуйся, кротости правило, за изгонявшия тя моливыйся яко за благотворцев;
радуйся, терпения столпе, безчестие претерпевый от людий твоих.
Радуйся, узы и темницу восприявый безропотно;
радуйся, во изгнании твоем неправеднем выну славивый Бога.
Радуйся, временными скорбьми достигий блаженства вечнаго;
радуйся, возшедый на высоту совершенства духовнаго.
Радуйся, блаженство изгнанных правды ради достойно получивый;
радуйся, в путь изгнания кротко и незлобиво изшедый.
Радуйся, от великаго князя с любовию восприятый;
радуйся, в Вышгороде удел от него получивый.
Радуйся, звездо пресветлая, от Новаграда в Киев пришедшая;
радуйся, всю страну Русскую доблестию терпения твоего удививый.
Радуйся, святый благоверный княже Всеволоде Гаврииле, теплый о нас молитвенниче.
Кондак 5
Благотечно шествовал еси, святый благоверный княже Всеволоде Гаврииле, от Киева паки в Великий Новград, междуусобием народным смятенный, да мир и тишину в нем водвориши; обаче ненавидевшии мира людие новоградстии не восхотеша тя прияти с миром Христовым к ним пришедшаго. Ты же во Псков от них прешел еси, и тамо водворился еси, возлюбив град сей любовию о Господе, Емуже присно пел еси: Аллилуиа.
Икос 5
Видевше твое незлобие и кротость людие Псковстии, святый благоверный княже Всеволоде Гаврииле, прияша тя с любовию, от Великаго Новаграда к ним пришедшаго, и княжити над ними тя устроиша, напавших же на них за тя бранию отразиша и победиша; ты же благодеянии великими им за сие воздал еси и был еси истинный благодетель людий твоих, иже и взываху к тебе:
Радуйся, око слепых, нога хромых и рука безпомощных бывый;
радуйся, всякому страждущему любовию твоею сострадавый.
Радуйся, Православие во граде твоем ревностно охранявый;
радуйся, злоухищрения латинская от него отражавый.
Радуйся, мечь твой на защиту Пскова мужественно воздвигнувый;
радуйся, оным мир и тишину в земли Псковстей водворивый.
Радуйся, милосердия сокровище всем нищым и убогим бывый;
радуйся, скорбящия и страждущия утешавый.
Радуйся, с плакавшими плакавый;
радуйся, в темнице заключенныя посещавый.
Радуйся, пищу и одежду всем требующим подававый;
радуйся, постом и молитвою Богу благоугождавый.
Радуйся, святый благоверный княже Всеволоде Гаврииле, теплый о нас молитвенниче.
Кондак 6
Проповедника тя благочестия яви Господь во граде Пскове, святый благоверный княже Всеволоде Гаврииле; кто бо не умилится, воспоминая великия твоя добродетели: кротость, терпение и нищелюбие; кто не прославит подвиги твоя ратныя, на защиту града твоего явленныя, и твоя суды праведныя и милосердыя, имиже люди твоя облагодетельствовал еси; о сем и мы прославляем прославльшаго тя Господа и зовем Ему: Аллилуиа.
Икос 6
Возсияв, яко солнце пресветлое, добродетелным житием твоим во граде Пскове, святый благоверный княже Всеволоде Гаврииле, по лете единем жительства твоего в нем к западу смертному приближился еси, и причастився святых Христовых Таин, мирно и безмятежно предал еси святую душу твою в руце Божии. Мы же, чтуще тя, аки надгробную песнь, с любовию и усердием сице тебе поем:
Радуйся, великий угодниче Божий, жизнь земную свято и праведно скончавый;
радуйся, прешедый от скорбей многих на покой вечный.
Радуйся, восприятый со славою во обитель святых;
радуйся, увенчанный от Христа венцем нетленныя славы.
Радуйся, мног плачь кончиною твоею причинивый людем псковским;
радуйся, меч твой им завещавый в защиту и ограждение духовное.
Радуйся, преселивыйся к Богу душею твоею святою;
радуйся, приявый от Него благодать молитися за град твой и люди.
Радуйся, Пскова славо и похвало;
радуйся, всея Церкве Христовы радование и утешение.
Радуйся, чудесы дивными в погребении твоем возсиявый;
радуйся, благоухание сладостное от мощей твоих испустивый.
Радуйся, святый благоверный княже Всеволоде Гаврииле, теплый о нас молитвенниче.
Кондак 7
Хотевшим людем Великаго Новаграда взяти к себе мощи твоя, святый благоверный княже Всеволоде Гаврииле, чудотворно им сие возбранил еси и гроб твой неподвижим соделал еси; тии же, в раскаяние пришедше о причиненнем тебе изгнании, со слезами моляхуся, да поне малая часть мощей твоих святых даруется им в благословение и утешение, и приемше ноготь, от честныя руки твоея отпадший, со благоговением в Великий Новград его принесоша, зовуще дивному во святых Своих Богу: Аллилуиа.
Икос 7
Блаженство неизглаголанно унаследовал еси, угодниче Божий, разрешився от уз плоти и воспарив душею твоею во оный град прекрасный, Иерусалим Небесный, идеже вси святии упокоеваются; на земли же тело твое святое, во храме святаго великомученика Димитрия во граде Пскове, честно погребеся от всего освященнаго собора, и меч твой над гробом твоим повешен бысть по твоему завету, егоже памятующе, со умилением вопием ти сице:
Радуйся, заступниче усердный града Пскова и всея Русския страны;
радуйся, и по смерти заступлением твоим святым нас не оставляяй.
Радуйся, преславно чудодействовуяй от мощей твоих честных;
радуйся, мечем твоим ограждаяй нас от врагов видимых и невидимых.
Радуйся, во дни браней благонадежный граду твоему защитниче;
радуйся, во дни мира всем недужным благодатный целебниче.
Радуйся, ближним и дальним благодеяния твоя подаваяй;
радуйся, в сониих и видениих верныя посещаяй.
Радуйся, святый благоверный княже Всеволоде Гаврииле, теплый о нас молитвенниче.
Кондак 8
Странствие земное совершив, от дел благотворения не почил еси, святый благоверный княже Всеволоде Гаврииле, но прияв от Господа велию благодать чудотворения, всем с верою к тебе притекающым дары благодатныя всещедро подаеши от мощей твоих святых и недужныя безмездно врачуеши единем прикосновением к честному твоему гробу. Сего ради славим прославльшаго тя Господа и благодарно вопием Ему: Аллилуиа.
Икос 8
Весь страха и ужаса исполнися муж благочестивый, емуже в видении во свете небеснем предстал еси, благоверный княже, и рекл ему: «Иди ко освященному собору, князю и посадником града и рцы им, да принесут мощи моя от храма святаго Димитрия в соборный храм Святыя Троицы, тамо бо хощу возлещи». Егда же вопроси он честнаго твоего имене, ты сие ему открыл еси и возвестил еси, яко град Псков предан есть тебе от Господа во хранение до скончания века, и яко имаши его сохраняти от язычник и латинь. Таковому светлому явлению твоему дивящеся и о заступлении твоем радующеся, сия радостныя возглашаем ти похвалы:
Радуйся, святче Божий, со святыми почивай;
радуйся, о нас грешных Бога выну умоляяй.
Радуйся, града Пскова хранителю неотступный;
радуйся, дивный воителю посмертный.
Радуйся, волю твою в видении людем псковским объявивый;
радуйся, в соборнем храме Святыя Троицы святыми мощами твоими почивати восхотевый.
Радуйся, светом небесным озаренный;
радуйся, благодати блаженныя преисполненный.
Радуйся, дивным явлением твоим люди псковския духовно утешивый;
радуйся, благим обетованием твоим их зело возвеселивый.
Радуйся, радостный нам вестниче Христова всемогущества и силы;
радуйся, благомощный предстателю за люди твоя и град, Богом тебе врученный.
Радуйся, святый благоверный княже Всеволоде Гаврииле, теплый о нас молитвенниче.
Кондак 9
Вси людие псковстии со князем своим и освященным собором изнесоша гроб твой честный, святый благоверный княже Всеволоде Гаврииле, из храма святаго великомученика Димитрия, и егда приближишася с ним ко вратом Пскова, именуемым смердиими, абие ста гроб твой неподвижим, дондеже по повелению твоему новая врата в стене града пробиша и теми гроб твой пронесоша в соборный храм Святыя Троицы, дивящеся сему чудеси и вопиюще ко Господу: Аллилуиа.
Икос 9
Витийство человеческое не довлеет к достойней похвале святых, Богом прославленных на небеси и на земли; недоумеем и мы смиреннии достойно прославити тя, святый наш предстателю, благоверный княже Всеволоде Гаврииле, дивно прославленный на небеси славою вечною и на земли чудотворным нетлением святых мощей твоих и многими от них знаменьми и изцеленьми. Обаче ты, яко благий и милостивый, не возгнушайся гласов наших хвалебных, имиже от любве сердечныя дерзаем благохвалити тя сице:
Радуйся, в пренесении святых мощей твоих чудесы великими просиявый;
радуйся, мироточения благодать от Господа получивый.
Радуйся, цвете нетления, облагоухавый святую Церковь нашу;
радуйся, смерть вкусивый, тления же не познавый.
Радуйся, по летех мнозех цел и нерушим в составех твоих обретенный;
радуйся, нетленен и благоуханен во гробе возлежавый.
Радуйся, миро благоуханное и целебное от мощей твоих святых источивый;
радуйся, мира того исцеления многим недужным даровавый.
Радуйся, в соборнем храме Святыя Троицы телом честне положенный;
радуйся, сосуде, Божия благодати полный и преизливающийся.
Радуйся, от исполнения твоего и нам даруяй благодатныя дары;
радуйся, милостивно изцеляяй души наша и телеса.
Радуйся, святый благоверный княже Всеволоде Гаврииле, теплый о нас молитвенниче.
Кондак 10
Спасение людем от внезапнаго разрушения соборнаго храма устрояя, угодниче Божий, явился еси клирику храма и повелел еси ему, да изнесутся от храма того святии сосуди, иконы и книги, и людие прочее да не останутся в нем на молитву, яко хощет явити Господь знамение над мощами твоими; и егда сотвориша тако по повелению твоему, абие нощию падеся верх храма, и сокрушив раку твою, падшим камением отдели от главы твоея малую часть мощей твоих, яко всем дивитися о таковем благопромышлении Господни и пети Богу: Аллилуиа.
Икос 10
Стена защищения граду Пскову был еси, святый благоверный княже Всеволоде Гаврииле, во дни ратных нападений на него иноплеменных и иноверных врагов, и Пресвятей Владычице Богородице в видении предстоял еси с прочими святыми, умоляя Ю о спасении града от ратнаго разорения, яко предстатель и защититель его неотступный. Сего ради благодарственно тя славим и вопием ти сице:
Радуйся, избранный воеводо, воинство православное воодушевивый к победам;
радуйся, ратей иноверных низложение.
Радуйся, победоносный защитителю града Пскова от воюющих нань языков;
радуйся, пленных и озлобляемых людий твоих отрадо и утешение.
Радуйся, крепкое их упование;
радуйся, мощами твоими святыми во дни сильныя брани со врагами на стены града пришедый.
Радуйся, нападение их невидимо отразивый;
радуйся, покровителю, Богом данный граду Пскову и всей его области.
Радуйся, щите, защищаяй их от всякаго зла.
Радуйся, святый благоверный княже Всеволоде Гаврииле, теплый о нас молитвенниче.
Кондак 11
Пение молебное приносим ти, угодниче Божий, и с верою и любовию припадающе к раце святых и многоцелебных мощей твоих, молим тя всеусердно: молися за нас ко Господу Богу, да дух благочестия твоего, благости и милости не оскудевает и в нас немощных и грешных, да будем чада твоя не по имени токмо, но делом и всем житием нашим, и сподобимся вкупе с тобою во блаженней вечности пети Богу: Аллилуиа.
Икос 11
Светом трисолнечным горе озаренный, благоверный и святый княже Всеволоде Гаврииле, озари наша мрачныя души сиянием Божия благодати и настави ны верно исполняти заповеди Христа Бога: вемы бо, вемы, яко много может молитва твоя пред благостию Его, яко вернаго Его раба и угодника. Сего ради со упованием благим молитвенно к тебе притекаем и взываем сице:
Радуйся, великоименитый и многославный Всерусский наш заступниче;
радуйся, скипитра царскаго крепкое ограждение.
Радуйся, князей удобрение;
радуйся, Церкве Святыя светильниче пресветлый.
Радуйся, соль земли Русския, яже николиже обуяет;
радуйся, столпе Православия непоколебимый.
Радуйся, маслино благоплодная, елеем милости Божия умащающая верныя души;
радуйся, надежный ходатаю нам милости Господни.
Радуйся, неусыпный молитвенниче наш ко Пресвятей Троице.
Радуйся, святый благоверный княже Всеволоде Гаврииле, теплый о нас молитвенниче.
Кондак 12
Благодати причастная рака святых мощей твоих, благоверный княже Всеволоде Гаврииле, яко новая купель Силоамская, даровася нам от Всеблагаго Бога, к нейже не единожды в лето, но всегда притекающе, недужнии здравие получают; благ бо еси и скор ко изцелению, аще токмо веру обретаеши, к сему способствующую в человецех. Темже славим Бога, дивно в тебе прославльшагося, и вопием Ему: Аллилуиа.
Икос 12
Поюще многая твоя чудотворения, угодниче Божий, благоверный и святый княже Всеволоде Гаврииле, молитвенно совершаем святую память твою, яко торжество веры нашея православныя, в нейже единей процветают толицы чудотворцы, сильние пред Богом предстательством своим и благодеющии бедствующим и болящим человеком свыше данною им благодатию, юже в тебе добре ведуще, святче Божий, от благодарных устен сице зовем:
Радуйся, благоволением Пресвятыя Троицы осененный;
радуйся, всех святых сожителю.
Радуйся, райских селений обитателю;
радуйся, приявый блага нетленная и вечная.
Радуйся, техже благ и нам всежелательный ходатаю;
радуйся, душевнаго и телеснаго здравия усердный нам у Господа просителю.
Радуйся, смиренная прошения наша во благо исполняяй;
радуйся, скорую помощь и заступление твое нам являяй.
Радуйся, от враг видимых и невидимых о Бозе крепкий наш защитниче.
Радуйся, святый благоверный княже Всеволоде Гаврииле, теплый о нас молитвенниче.
Кондак 13
О, святый и благоверный княже Всеволоде Гаврииле! Вонми молитве нашей смиренней и не презри малаго сего хвалебнаго пения, от усердия нашего тебе приносимаго с верою и любовию, и умоли Господа Бога, о еже избавити нас мучений вечных и сподобити блаженства святых, да поем Ему купно с тобою во веки: Аллилуиа.
[Се́й конда́к глаго́лется три́жды.] [Далее повторяем 1‑е икос и кондак:]
Икос 1
Ангела нравом, аще и человека естеством, вемы тя, святый благоверный княже Всеволоде Гаврииле; кротостию бо и милостию преисполнен был еси, блаженне, и соуз совершенства духовнаго, любовь божественную, стяжал еси от юности твоея, яко быти тебе воистину угодником Божиим, достойным похвал таковых:
Радуйся, от корене святаго произрастший;
радуйся, великаго и равноапостольнаго князя Владимира правнуче благословенный.
Радуйся, благоверных родителей сыне;
радуйся, княжескаго рода прозябение честное.
Радуйся, родителя твоего, князя Мстислава, добродетели унаследивый;
радуйся, благочестию его и храбрости подражавый.
Радуйся, от младых лет страху Божию наученный;
радуйся, от юности твоея чтение слова Божия возлюбивый.
Радуйся, молитвами и милостынями Богу угождавый;
радуйся, целомудрием и воздержанием себе украшавый.
Радуйся, праведниче Божий, Егоже правда сияет непомеркаемо во веки;
радуйся, угодниче Христов, прославленный на небеси и на земли.
Радуйся, святый благоверный княже Всеволоде Гаврииле, теплый о нас молитвенниче.
Кондак 1
Избранный угодниче Божий, благий заступниче града Пскова и всея державы Русския благоверный княже Гаврииле! Приими от нас милостивно сия песни хвалебныя, и яко имеяй дерзновение ко Господу, молися Ему выну о спасении от всяких бед нас грешных, зовущих ти радостно:
Радуйся, святый благоверный княже Всеволоде Гаврииле, теплый о нас молитвенниче.
Молитва
О, великий угодниче Божий и преславный чудотворче, святый благоверный княже Всеволоде Гаврииле, града Пскова и всея державы Русския небесный заступниче и покровителю, и всех нас усердный пред Богом предстателю и защитителю! Предстоя Престолу Великаго Царя и Бога нашего, в Троице Святей славимаго и покланяемаго, велие дерзновение имаши к нему, яко верный раб Его и угодник. К тебе убо, яко сроднему нам и многомощному пред Господем ходатаю, прибегаем мы грешнии и недостойнии и умиленно просим тя: моли Триединаго Бога, да отвратит от нас гнев свой, праведно по делом нашим на ны движимый, и презрев безчисленныя прегрешения наша, обратит нас на путь покаяния и спасения. Огради молитвами твоими в мире живот наш, и во всем благом благое поспешение и вся, яже к животу и благочестию потребная, нам даровати испроси. И якоже древле град твой Псков от пленения и разорения ратнаго дивно избавил еси, тако и ныне нас и вся грады и веси страны нашея от всяких напастей и бед, и напрасныя смерти, предстательством твоим избави, и от всех враг видимых и невидимых покровом твоим защити. Моли присно милостиваго Бога: страждущую страну Русскую от лютых безбожник и власти их да свободит, и да возставит престол православных правителей, верных рабов Его, в скорби и печали день и нощь вопиющих к нему, многоболезный вопль да услышит и да изведет от погибели живот наш, да тихое и безмолвное житие поживем во всяком благочестии и чистоте, и тако в мире временное сие житие прешедше, в вечный достигнем покой, и сподобимся Небеснаго Царствия, славяще Отца и Сына и Святаго Духа и твое святое заступление, во веки веков. Аминь.