Інокентій
(Борисів) архієпископ, Херсонський та Таврійський
Піднесіть святому образу прикрасу на знак подяки за чудо або сповнення молитви.
Будьте першим, хто запалить свічку перед цим святим образом.
Святитель Інокентій, архієпископ Херсонський і Таврійський (у миру Іван Олексійович Борисов), народився 15 грудня 1800 року в місті Єльці Орловської губернії в родині священика Успенської церкви Олексія Борисова. Батьки преосвященного Інокентія були людьми простими, доброго життя. Отець Олексій Борисов здобув домашню освіту. З нижчих ступенів кліру він дослужився до священика і намагався у частих проповідях донести до парафіян слова отців і вчителів Церкви. Мати преосвященного Інокентія, Акилина, була жінкою неписьменною, але розумною і побожною. Хрест і молитва були головною основою всього її життя, усіх її думок, дій і вчинків. Вона мала свою домашню аптеку, що складалася з різних трав і квітів, росного ладану, благословенних хлібів, олій від чудотворних ікон, Богородичних проскомидійних просфор та подібних до них священних предметів. Ними вона лікувала себе та своїх дітей. У батьківському домі Іван вивчив слов’янську абетку, Часослов і Псалтир та навчився письма. У 1819 році Іван Борисов закінчив курс семінарського навчання з відмінним успіхом і вступив до Київської духовної академії. Тут він віддався вивченню наук з таким запалом, що іноді цілі ночі проводив за книгою. Корячись внутрішньому покликанню, найбільше займався він складанням та опрацюванням проповідей. У 1823 році 23-річний Іван Олексійович закінчив повний курс академічного навчання першим магістром і був призначений до Санкт-Петербурзької духовної семінарії на посаду інспектора та професора церковної історії, але не минуло й трьох місяців, як він обійняв і посаду ректора Санкт-Петербурзького Олександро-Невського духовного училища. Тут же він прийняв постриг у чернецтво з ім’ям Інокентій і був висвячений у сан ієромонаха. У грудні 1824 року отець Інокентій призначається бакалавром богословських наук у Санкт-Петербурзькій духовній академії, а через кілька місяців — її інспектором і екстраординарним професором. У березні 1826 року він зводиться в сан архімандрита. Лекції свої отець Інокентій зазвичай викладав напам’ять. Він уважно стежив за сучасним станом і успіхами природничих наук, і в його поглядах ці знання не лише не суперечили, а якнайкраще слугували богослов’ю. У властивостях своєї любвеобильної душі архімандрит Інокентій черпав мистецтво скріплювати в середовищі професорів добру приязнь і повсюди вносив мир та заспокоєння. За дев’ять років ректорства отця Інокентія академічна родина думала з ним однією думою, жила з ним одним життям. Зі студентами академії отець ректор завжди поводився лагідно і благородно. Особливо добрим і уважним бував він до них тоді, коли їх спіткало якесь горе, наприклад, серйозна хвороба. Допомогти в цій біді нещасному — становило тоді для ректора всю його головну турботу. Він жертвував у цьому випадку не лише своїми коштами, а іноді навіть і власними життєвими зручностями.
Особливою славою отця Інокентія є надзвичайний проповідницький талант. Згодом владику Інокентія назвуть «Руським Золотоустом». Як проповідник він вирізнявся тим, що діяв переважно на серця слухачів і захоплював їх ясністю та простотою слова, тонкими й дотепними зіставленнями предметів, мистецтвом відкривати в них нові та цікаві сторони і вмінням застосовувати, якомога ближче, свої повчання до різних випадків і обставин. Таким чином, владика Інокентій створив нову руську школу проповідництва, далеку від будь-якої зовнішньої ефектності та сухої вченості. Окрім проповідей, владика залишив багато визначних наукових праць і перекладів, таких як: «Життя св. Кипріана», «Життя св. апостола Павла», «Пам’ятник віри», «Історія Вселенських Соборів», переклад «Кормчої Книги» та багато іншого.
Зовнішня природа для отця Інокентія була другою Біблією, що свідчить про божественну велич Творця. Цей погляд на природу чітко проводив він у своїх проповідях. «Подивіться, — казав він, — на море, що кипить хвилями, або на хмару, яку розтинають блискавки й громи: чи не образ це всемогутності Божої? Подивіться на склепіння небесне, всіяне зірками, на сонце, що сходить: чи не образ це премудрості Божої? Подивіться на весну, прикрашену квітами, яка веде за собою хори пернатих: чи не образ це благості Божої? Що заважає тобі, дивлячись на свої картини, сходити думкою до досконалостей Творця твого?» При такому погляді отця Інокентія на природу зрозумілою є і особлива любов його до неї та до природничих наук. Імператорська Академія наук і різні вчені товариства вшанували літературні заслуги проповідника прийняттям його до своїх членів. Проповіді його були перекладені свого часу на грецьку, німецьку, французьку та польську мови.
У 1836 році, 21 листопада, у Казанському соборі Санкт-Петербурга в день Введення в храм Пресвятої Богородиці відбулася хіротонія архімандрита Інокентія на єпископа Чигиринського. У березні 1840 року він призначається на кафедру єпископа Вологодської єпархії. Тут він залишався 9 місяців і згодом був переведений до Харківської єпархії. Служіння його в Харкові тривало близько семи років. За цей термін він відновив Охтирський і Святогірський монастирі, відкрив Миколаївську жіночу обитель. Владиці належить ідея заснування урочистого хресного ходу в Харкові з нагоди перенесення в місто з Курязького монастиря чудотворної ікони Божої Матері. У 1845 році владика зводиться в сан архієпископа. А через 3 роки призначається до Херсоно-Таврійської єпархії, де різноплемінна православна паства постійно піддавалася тлетворному впливу татар, євреїв і німецьких колоністів. Відновити в Криму давні християнські пам’ятки, зруйновані татарами, і заснувати свій «Руський Афон» — ось головне, чого хотів досягти архіпастир під час свого керування Херсоно-Таврійською єпархією. Бажаючи зберегти руїни стародавнього Херсонеса, прославленого Хрещенням великого князя Руського Володимира, преосвященний Інокентій випросив собі у намісника кавказького ці руїни і намагався влаштувати там, посеред пустелі, поблизу залишків колишнього соборного храму, невелику церкву в ім’я святої княгині Ольги з невеликим приміщенням для ченців. Потім він оновив давній храм, висічений руками святого Климента в Інкерманській скелі, освятив його на пам’ять двох священномучеників, Климента та Мартина, які постраждали в Херсонесі, куди вони були заслані на каменоломні, і влаштував у цій же скелі невеликий скит. Під час своєї подорожі Кримом владика зазвичай залишав супутників біля підніжжя гір, а сам піднімався на їх вершину для молитви на місцях подвигів давніх подвижників.
В останні роки свого святительства преосвященний Інокентій брав найживішу архіпастирську участь у лихах Кримської війни і мав надзвичайно благотворний вплив на воїнів. Велич духу святителя Інокентія виявилася і в відвідуванні ним страждальців-воїнів у лазаретах, де лютував заразний тиф і де можна було бачити всю тяжку скорботу, всі страждання, що їх породжує війна. У битвах він обходив ряди військ, підбадьорюючи героїв. І тут мужній пастир-батько був Ангелом-утішителем стражденних. У коронацію імператора Олександра II архієпископ Інокентій був призначений членом Святішого Синоду. Посилені труди і тривоги надломили здоров’я славного архіпастиря. Владика захворів, перебуваючи в Севастополі під час битви руських військ з неприятелем, і на зворотному шляху до Одеси спочив у Херсоні 25 травня 1857 року у світле свято Живоначальної Трійці. Канонізований Руською Православною Церквою у 1997 році.
Інокентію, архієпископу Херсонському, святителю
Кондак 1
Избранный от Господа благий рабе и верный, Церкви Русския украшение, новый Златоусте, Христова стада пастырю предобрый, святителю Иннокентие, от любве душевныя ублажаем тя заступника и покровителя града нашего. Теплыми твоими молитвами у престола Пресвятыя Троицы укрепляеми, благодарно зовем ти:
Радуйся, богомудре отче Иннокентие, святителю преславный.
Икос 1
Ангела Хранителя Русския земли яви тя милосердный Господь, святителю отче Иннокентие, в семье бо боголюбивей возрастился еси, великий светильниче Церкви Христовой, от юности любовь ко храму Божию имея, и от земных к небесным восходя, достойный служитель велений Отца Небеснаго явился еси. Мы же, грешнии, с любовию вопием ти:
Радуйся, от корене благочестиваго рожденный.
Радуйся, от рождения своего омофором Царицы Небесныя покровенный.
Радуйся, родителей твоих сыне богодарованный.
Радуйся, во святей вере Православней строго воспитанный.
Радуйся, в духовном просвещении разум книжный стяжавый.
Радуйся, чистое сердце твое Господеви отдавый.
Радуйся, во граде Киеве книжной мудрости наученный.
Радуйся, смирением и молитвою от страсти уныния сохраненный.
Радуйся, богомудре отче Иннокентие, святителю преславный.
Кондак 2
Видев Господь сердце твое, отче Иннокентие, любовию к Нему пламенеющее, призва тя на стезю монашеского жития, но не в тихой келии уединенней, а посреде мира, якоже воин посреде сечи ратныя. Темже разум истиннаго богословия стяжав, богомудрыми ученьми утверждал еси ученики своя и Службе Божией зело прилежал еси, Ангельскую песнь воспевая Господеви: Аллилуиа.
Икос 2
Разум богопросвещен свыше тебе даровася, святителю предивный, егда еще отрок сый, дух свой к приятию Божественныя истины уготовал еси, не токмо слушая, но и исполняя слово Божие. Аще убо во всем подражатель Христу был еси, в том же разуме настави и нас, зовущих ти:
Радуйся, чистоты душевныя и телесныя усердный хранителю.
Радуйся, заповедей Божиих верный исполнителю.
Радуйся, чтение Божественных Писаний измлада возлюбивый.
Радуйся, во дни и в нощи непрестанно молитвы к Богу возносивый.
Радуйся, се бо древу, насажденному при исходищах вод, уподобивыйся.
Радуйся, девством и целомудрием всеизрядне украсивыйся.
Радуйся, всего себе воле Божией предавый.
Радуйся, токмо от Господа помощи и утешения искавый.
Радуйся, богомудре отче Иннокентие, святителю преславный.
Кондак 3
Силу духа твоего, во едино намерение совокупивый, отче Иннокентние, возжелал еси житие твое безраздельне на служение Церкви Христовой предати. Сего ради по стопам Христа путем узким последовал еси, ревностно труждаяся в писаниих церковных, непрестанно Ему воспевая: Аллилуиа.
Икос 3
Имея всегда пред очима твоима Господа, весь Ему верен был еси, темже на степень священства архиерей Божий возведе тя. Ты же со всяким смиренномудрием на рамо свое служение во граде Киеве подъял еси, тако и нас подвизаеши взывати тебе сице:
Радуйся, писаньми твоими богодухновенными души и сердца всех чтущих тя просветивый.
Радуйся, подвиги и труды подвижников Христовых в творениих твоих изобразивый.
Радуйся, яко и в житии твоем всецело им последовал еси.
Радуйся, яко обитель Киево-Братскую строениями украсил еси.
Радуйся, тобою бо догматы крепко водворяются.
Радуйся, светильниче веры, на свещнице церковней возженный.
Радуйся, угодниче Божий, смирением и кротостию паче всех дарований украшенный.
Радуйся, богомудре отче Иннокентие, святителю преславный.
Кондак 4
Бури страстей избежав, архипастырски усердно трудился еси, святителю отче Иннокентие, и сокровище премудрости ревностно собирати стремяся ко просвещению народов русских, научил еси всех разумно пети Богови: Аллилуиа.
Икос 4
Слышавше и видевше, святе Иннокентие, ближнии и дальнии души твоея доброту, дивляхуся о трудех твоих неустанных, имиже трудился еси во святительстем сане на земли Вологодстей и Харьковстей. Темже людие Божии радовахуся, яко приял еси жезл архипастырский; мы же, светом твоего богоразумия озаряеми, вопием ти:
Радуйся, благочиния церковнаго верный блюстителю.
Радуйся, богослужебных уставов строгий исполнителю.
Радуйся, храмов святых искусный устроителю.
Радуйся, честных обителей усердный зиждителю.
Радуйся, пастырства добраго ревностный попечителю.
Радуйся, соблазнов, ересей и нестроений мудрый искоренителю.
Радуйся, яко благодать Божия словесы твоими питает духовне алчущих.
Радуйся, яко благодать Божия учении твоими напояет духовне жаждущих.
Радуйся, богомудре отче Иннокентие, святителю преславный.
Кондак 5
Боготочный источник премудрости, добродетелей духовных исполненный, явился еси, Иннокентие прехвальне, сего ради избра тя Господь, яко угодника Своего возлюбленнаго просвещения ради народа православнаго, темже богодухновенными писаньми твоими усердно Церкви Христовой послужил еси. Мы же, хвалу возсылающе ко благодеющему тебе Богу, вопием: Аллилуиа.
Икос 5
Видевше тя вернии людие, яко помощника и утешителя не токмо к тебе приходящим, но и далече сущим, яко писании твоими к покаянию призывая, вся утешаеши, вразумляеши и теплым твоим ходатайством заступаеши. Мы же, грешнии, вопием ти:
Радуйся, яко дарования Божия данныя ти приумножил еси.
Радуйся, словесы твоими души многия просветил еси.
Радуйся, яко свет богопознания в сердца чтущих тя изливаеши.
Радуйся, яко чистоту души в них добре насаждаеши.
Радуйся, устнами медоточными глаголы живота вечнаго от Бога возвещающий.
Радуйся, от Духа Свята просвещенный и просвещающий.
Радуйся, гусли духа сладкозвучныя, яко величие Божественных Страстей Христовых боголепно воспевый.
Радуйся, яко Архистратига Сил Небесных Михаила с любовию велемудро прославивый.
Радуйся, богомудре отче Иннокентие, святителю преславный.
Кондак 6
Проповедник веры Православныя и ревнитель благочестия был еси, святителю отче Иннокентие, заповеди Господни не усты токмо, но и житием твоим изъяснивый, и тако просветися свет твой пред человеки, яко тии видяще добрая дела твоя, прославляют Отца Небеснаго, вопия Ему: Аллилуия.
Икос 6
Возсиял еси яко звезда лучезарная Церкви Христовой ревностию твоею о славе Божией, егда Пастыреначальник Христос Бог постави тя светильника пастве Тавричестей, да светиши светло Отечеству твоему. Мы же, дивному промышлению Божию о тебе радуяся, умильно поем ти:
Радуйся, в день Пресвятыя Троицы начало служения твоего в земли Тавричестей положивый.
Радуйся, благовествованием верных радостно освятивый.
Радуйся, богоспасаемаго града нашего о Господе заступление.
Радуйся, всего края южнаго честная похвало.
Радуйся, архиерею Божий, святителю предивный.
Радуйся, Духа Святаго жилище преукрашенное.
Радуйся, Пресвятыя Троицы служителю верный.
Радуйся, телом немощный, духом же благодатиею Божиею укрепленный.
Радуйся, богомудре отче Иннокентие, святителю преславный.
Кондак 7
Хотя всевидец Господь прославити тя, владыко преславне, воздвиже тя пастве твоей неусыпна трудника и молитвенника на ниве неоранней земли Причерноморския. Темже изначала в строении соборныя церкви Преображения во граде Одессе неустанно трудился еси, в ней же молитвы теплыя ко Христу Богу и Пречистей Его Матери возносил еси, с веселием воспевая: Аллилуиа.
Икос 7
Новаго избранника Божия видеша тя православнии людие, добраго пастыря Христова и молитвенника теплаго: ты бо установил еси память соборне праздновати священномучеником Херсонесским, ихже Господь прослави, яко угодники Своя. Мы же чудящеся таковей неизреченней благости Божией, умильно взываем ти сице:
Радуйся, яко деяния первых святителей юга Руси достойно прославивый.
Радуйся, яко купно с сими святыми ныне и от нас славословие приемлеши.
Радуйся, яко крестныя ходы с чудотворною иконою Касперовскою установивый.
Радуйся, яко новозданную церковь северную освятивый.
Радуйся, устроителю и ревнителю благолепия церковнаго.
Радуйся, рачителю делания духовнаго.
Радуйся, в трудах и болезнех явивый силы Божия вместилище.
Радуйся, сосуде освященный, Духа Святаго хранилище.
Радуйся, богомудре отче Иннокентие, святителю преславный.
Кондак 8
Странное и неизреченное чудо благодати небесныя явился еси, Иннокентие досточудне, проповеднику покаяния великому святителю Иоанну Златоустому воистину уподобляяся: ты бо светом Евангелия Христова и учением твоим сладкодухновенным боголюбивую паству свою просвещал и научал еси, да любовь святая утвердится в сердцах христианских, во еже ни скорбь, ниже теснота, ниже самая смерть не возмогут разлучити верныя от любве Божия. Темже и нас, грешных, побуждаеши непрестанно служити Господу Сил и воспевати Ему с любовию: Аллилуиа.
Икос 8
Весь освящен благодатию Духа Святаго, иго Христово на рамо взем, вспять николиже обративыйся, мудрым предстоятелем и добрым благоукрасителем обителей святых был еси, себе самаго иноческим житием украшая, уставы отеческия во обителех крепко водворял еси. Темже похваляюще святую ревность твою о Господе, зовем ти:
Радуйся, путь тесный жития монашескаго от юности возлюбивый.
Радуйся, во смирении твоем высокая дарования получивый.
Радуйся, светильницы молитвенныя обителей святых в земли Тавричестей возжегл еси.
Радуйся, мног собор иночествующих тамо собрал еси.
Радуйся, благословение апостола святаго Первозваннаго Андрея наследивый.
Радуйся, продолжателю трудов славных того апостола дивный.
Радуйся, вертограда духовнаго в земли Тавричестей мудрый окормителю.
Радуйся, всем притекающим в вертоград сей попечителю и покровителю.
Радуйся, богомудре отче Иннокентие, святителю преславный.
Кондак 9
Всем сердцем возлюбивый Бога, всечудне святителю, Спаса Христа умоляеши за град твой и люди твоя. Сие показал еси яве во дни обстояния вражескаго, проповедниче ревностный и пламенный, утверждая стадо свое во уповании на помощь Божию, да непоколебими пребудут от нападения иноплеменников. И яко предрекл еси, да отступит сила вражия от брегов земли Одесския, тако и бысть исполнено вскоре. Темже людие православнии прославляху доблесть твою и вопияху Богу: Аллилуиа.
Икос 9
Ветий человеческих благохваление не довлеет к достойному прославлению многих подвигов твоих, святителю славне. Имея бо велию святительства благодать, сподобился еси, отче Иннокентие, икону святую Пречистыя Богоматере, в селении Касперовстем чудесне явленную, прославити по достоянию. Темже подвизаеши нас взывати тебе сице:
Радуйся, славы Царицы Небесныя умиленный песнотворче.
Радуйся, пред Нею о пастве твоей теплый молитвенниче.
Радуйся, быти Покровом и Заступницею края южнаго земли нашея Пречистую умоливый.
Радуйся, о утверждении Церкви Православныя пред Богородицею многия слезы проливый.
Радуйся, яко в годину лютую в вере непоколебимей стадо твое укрепил еси.
Радуйся, яко во уповании на милость Божию люди верныя утвердил еси.
Радуйся, яко в любви ко Отечеству земному поревновавый преподобному Сергию Радонежскому.
Радуйся, яко в безстрашии ко врагам Отечества уподобивыйся Патриарху Ермогену священномученику.
Радуйся, богомудре отче Иннокентие, святителю преславный.
Кондак 10
Спасти хотя богоспасаемый град Одессу от нашествия вражия, святителю добльственне, предстал еси купно с паствою твоею пред Касперовским образом Взбранныя Воеводы, вознося святыя молитвы, да покрыет Пречистая от всякаго зла люди Своя честным Своим омофором. Темже град сей спасен бысть и бежаша вспять сила вражия. Тако моли Царицу Небесную даровати и нам помощь, покров и защиту, да сподобимся с тобою пети Богу: Аллилуиа.
Икос 10
Стена необоримая Церкви Христовой был еси, отче наш Иннокентие, еюже Отечество славное оградися, в православии утвердися и от врагов спасеся. И ныне светом твоим тьма отгоняется и обнажается плетение лукаваго совета божественныя твоея мудрости сиянием, да вси взываем ти:
Радуйся, добрый пастырю и великий заступниче народа горем отягченнаго.
Радуйся, святою ревностию пламеневый о спасении Крыма осажденнаго.
Радуйся, воинство русское на освобождение градов и весей от нечестивых врагов благословивый.
Радуйся, яко собою Отечеству пастыря добра, полагающа живот свой за овцы своя, явивый.
Радуйся, поля ратныя без страха посещая, воинов ураненых духом и любовию своею укрепивый.
Радуйся, яко тамо, идеже смерть и огнь быша, безстрашно проходивый.
Радуйся, бедствующий град предстательству Божию вручивый.
Радуйся, всех верою и упованием на Господа воодушевивый.
Радуйся, богомудре отче Иннокентие, святителю преславный.
Кондак 11
Пение всеумиленное приносил еси Пресвятей Троице во вся дни земнаго жития твоего, Иннокентие всехвальне, Царя Небеснаго Христа Бога рабе верный, посему же в день Пресвятыя Троицы дарова тебе Вседержитель Господь кончину чудну и прослави тя на небесех. Ныне же молися о нас, чтущих светлую память твою, да купно с тобою воспоем Господеви: Аллилуия.
Икос 11
Светлыми лучами чудес твоих, святителю Божий, всех верных сердца и по кончине твоей просвещаеши: чисто бо житие свое скончав, ревнителем православия и стеною необоримою людем избранным ныне являешися. Мы же, грешнии, заступления молитвеннаго твоего просяще, с верою и любовию прославляем тя благохвалении сими:
Радуйся, Превечнаго Архиерея Христа верный святителю.
Радуйся, Пресвятыя Богородицы вседоблий служителю.
Радуйся, яко молитвами твоими град наш ограждаеши.
Радуйся, яко предстательством твоим на небесех верных от всякого зла соблюдаеши.
Радуйся, пение акафистово ко Причащению святому составивый, сам пред кончиною своею Святых Тайн Христовых причастился еси.
Радуйся, Воскресение Христово преславне воспевый, сам и ныне лицезрения Господня сподобился еси.
Радуйся, благоволением Пресвятыя Троицы освященный.
Радуйся, с девственными лики покланятися всех Творцу Вседержителем благословенный.
Радуйся, богомудре отче Иннокентие, святителю преславный.
Кондак 12
Благодати Божией знамение непререкаемое яви нам Христос в обретении мощей твоих, егда благоуханием исходившим от гроба твоего, прослави тя. Сего ради священнии и иночестии собори, и мирстии людие воспевают и прославляют тя на месте, идеже почивают святыя мощи твоя, источающия исцеления струи и страсти потопляющия, верныя же сердца орошающия благодатию Господнею, Богу же, дивному во святых Своих, иже дарованием чудес обогати тя, со умилением вопиют: Аллилуиа.
Икос 12
Поюще твое прославление, святителю Иннокентие, умиленно припадаем пред честными мощами твоими, благодарственно воспоминая труды и подвиги твоя. И ныне услыши молитвы чтущих тя и из глубины сердечныя взывающих:
Радуйся, архиереев доброто, священников и иноков похвало.
Радуйся, града нашего утверждение и славо.
Радуйся, верно молящимся тебе, на помощь скоро притекающий.
Радуйся, сердцам скорбящим утешение и радость подающий.
Радуйся, Пресвятыя Владычицы Богородицы всеусердный почитателю.
Радуйся, проповедниче сладкоглаголивый, апостолом Христовым подражателю.
Радуйся, славно совершивый путь, Господом веденный.
Радуйся, в чертозе Небеснем к лику святых сопричтенный.
Радуйся, богомудре отче Иннокентие, святителю преславный.
Кондак 13
О, богоносне и преславне угодниче Христов святителю Иннокентие, вонми гласу моления нас, грешных, от сокрушеннаго сердца к тебе возносиму. Испроси у милостиваго Бога прощение прегрешений наших, да дарует мир жительству нашему, Церковь Свою от всякия вражды, нестроений, ересей и расколов да оградит, возрастит и укрепит ю, вся же верныя ко Христу приведет, да сподобимся купно с тобою во веки пети: Аллилуиа.
[Се́й конда́к глаго́лется три́жды.] [Далее повторяем 1‑е икос и кондак:]
Икос 1
Ангела Хранителя Русския земли яви тя милосердный Господь, святителю отче Иннокентие, в семье бо боголюбивей возрастился еси, великий светильниче Церкви Христовой, от юности любовь ко храму Божию имея, и от земных к небесным восходя, достойный служитель велений Отца Небеснаго явился еси. Мы же, грешнии, с любовию вопием ти:
Радуйся, от корене благочестиваго рожденный.
Радуйся, от рождения своего омофором Царицы Небесныя покровенный.
Радуйся, родителей твоих сыне богодарованный.
Радуйся, во святей вере Православней строго воспитанный.
Радуйся, в духовном просвещении разум книжный стяжавый.
Радуйся, чистое сердце твое Господеви отдавый.
Радуйся, во граде Киеве книжной мудрости наученный.
Радуйся, смирением и молитвою от страсти уныния сохраненный.
Радуйся, богомудре отче Иннокентие, святителю преславный.
Кондак 1
Избранный от Господа благий рабе и верный, Церкви Русския украшение, новый Златоусте, Христова стада пастырю предобрый, святителю Иннокентие, от любве душевныя ублажаем тя заступника и покровителя града нашего. Теплыми твоими молитвами у престола Пресвятыя Троицы укрепляеми, благодарно зовем ти:
Радуйся, богомудре отче Иннокентие, святителю преславный.
Молитва
О, всезлатая уста слова, всехвальный и всечестный архиерею, святителю Христов Иннокентие! Ты многая и различная дарования от Господа приял еси, и яко раб благий и верный вся данныя тебе таланты добре умножил еси, и всеми же сими Церкви Христовой и Отечеству славне послужил еси. Ныне же велие на небесех имея дерзновение ко Святей Троице, призри милостивно от обителей горних на нас, немощных, грехами многими обремененных. Умоли Господа Вседержителя, да отвратит от нас гнев Свой, праведно по делом нашим на ны движимый и обратит нас на путь покаяния. Богоненавистное же заблуждение языческое, зловредное нечестие агарянское, вся ереси богохульныя, расколы, от единыя Церкве отчуждающия, да истребит, и да избавит ны от соблазнов мира и козней диавольских. Ей, крепкий столпе церковный, сосуде благодати предъизбранный, испроси от Отца светов, да соблюдет нас от нечестивых и душепагубных лжеучений, неверия и суеверия, умудрит и укрепит ны даже до конца ко хранению веры Православныя, да сохранит малое стадо Свое неразсеянное пребыти в любови и единомыслии, неверныя же к познанию истины да обратит. Да подаст пастырем Церкви примерную святость и святую ревность о спасении пасомых, монашествующим в подвизе укрепление, миру умирение, земли нашея от нахождения иноплеменных, от крамолы и нестроений сохранение. О, ходатаю теплый, пречудный Иннокентие, испроси от Бога нам время на покаяние и жития нашего исправление, во всех нуждах, скорбех и искушениях скорое поможение, терпение же и укрепление, и согрешений прощение. Испроси всяк дар, коемуждо благопотребен яже ко спасению, и от вечных мук и огня геенскаго избавление. Тако да благодатию, человеколюбием в Троице покланяемаго Бога сподобимся наследники быти Царствия Небеснаго, да прославляем вкупе с тобою всех благих Подателя, Триединаго Бога, Отца и Сына и Святаго Духа, ныне и присно и во веки веков. Аминь.