Євстахій
Плакіда. Римський вмч.
Піднесіть святому образу прикрасу на знак подяки за чудо або сповнення молитви.
Будьте першим, хто запалить свічку перед цим святим образом.
Житія великомученика Євстахія, дружини його мучениці Теопістії та чад їхніх мучеників Агапія і Теопіста.
Святий великомученик Євстахій до Хрещення носив ім'я Плакида. Він був воєначальником за імператорів Тита (79–81) і Траяна (98–117). Ще не пізнавши Христа, Плакида чинив справи милосердя, допомагаючи всім знедоленим і стражденним. Господь не залишив доброчесного язичника у мороці ідолопоклонства.
Одного разу на полюванні він переслідував на швидкому коні оленя, який зупинився, вибігши на високу гору, і Плакида раптом побачив між його рогами сяючий Хрест, а на ньому — розп’ятого Сина Божого. Вражений Плакида почув голос: «Навіщо ти женеш Мене, Плакидо?» — «Хто Ти, Господи, що говориш зі мною?» — у страху запитав Плакида. І почув у відповідь: «Я — Ісус Христос, Бог, що втілився заради спасіння людей і перетерпів вольні страждання та Хресну смерть. Ти Мене, не знаючи, шануєш, бо твої добрі справи і щедрі милостині дійшли до Мене. З’явився Я тут, щоб навернути і приєднати тебе до вірних рабів Моїх. Бо не хочу Я, щоб людина, яка чинить праведні діла, загинула в сітях ворожих».
Плакида вигукнув: «Господи, я вірую, що Ти — Бог Неба і землі, Творець усіх створінь. Молю Тебе, Господи, навчи мене, що мені робити». І знову пролунав Божественний голос: «Іди до священика християнського, прийми від нього Хрещення, і він наставить тебе до спасіння».
З радістю Плакида повернувся додому, все розповів дружині; та, своєю чергою, повідала йому про те, як напередодні їй у таємничому сновидінні Хтось сказав: «Ти, твій чоловік і твої сини завтра прийдете до Мене і пізнаєте Мене — Ісуса Христа, Істинного Бога, що посилає спасіння тим, хто любить Мене». Подружжя вчинило, як їм було велено. Вони звернулися до християнського пресвітера, який охрестив усе їхнє сімейство і всіх причастив Святих Таїн.
Наступного дня святий Євстахій вирушив на місце свого чудесного навернення і в гарячих молитвах подякував Господу, Який покликав його на шлях спасіння. І знову святий Євстахій був удостоєний чудесного одкровення — Сам Бог попереджав його про майбутні випробування: «Євстахію, належить тобі на ділі проявити твою віру. Тобі, як Йову, належить перетерпіти багато скорбот, щоб, будучи випробуваним, подібно до золота в горнилі, з’явитися гідним Мене і прийняти вінець із рук Моїх». Святий Євстахій смиренно відповідав: «Нехай буде воля Твоя, Господи, усе готовий я прийняти з рук Твоїх із подякою, аби тільки Твоя всесильна допомога була зі мною».
Незабаром на Євстахія обрушилися лиха: померли всі його слуги і паділа вся худоба. Розорений, але не занепалий духом, святий Євстахій із сім’єю таємно залишив дім, щоб жити в невідомості, смиренні та злиднях. На кораблі він подався до Єгипту. Під час плавання нове нещастя спіткало святого. Господар корабля, спокусившись красою дружини Євстахія, безжально висадив його з дітьми на берег, а дружину залишив у себе.
У великій скорботі святий продовжував свій шлях, і нове горе вибухнуло над ним. Переходячи бурхливу річку вбрід, він переносив по черзі двох своїх синів, але поки він переносив одного — іншого схопив на березі лев і поніс у пустелю, а поки повернувся до іншого — того потягнув у ліс вовк. Втративши все, гірко плакав святий Євстахій. Але він усвідомлював, що це Божественний Промисел послав йому ці нещастя, щоб випробувати його терпіння і відданість волі Божій. У молитвах виливши Богу своє невтішне горе, святий Євстахій пішов далі, смиренно готовий до нових випробувань. У селищі Вадісс він найнявся робітником і п’ятнадцять років провів у безперервних трудах. І не знав тоді святий Євстахій, що з милості Божої пастухи та хлібороби врятували його синів, і вони жили поруч із ним; не знав він і того, що нечестивий корабельник був скоро покараний — він помер від жорстокої хвороби, а дружина святого Євстахія, залишившись недоторканою, жила в мирних трудах.
У той час імператору Траяну довелося вести важку для Риму війну. Він згадав доблесного полководця Плакиду і відправив воїнів Антіоха та Акакія, друзів Плакиди, його розшукати. Об’їхавши безліч областей, вони прийшли в селище, де жив святий Євстахій. Воїни зустріли Євстахія в полі, де він сторожував хліб, але не впізнали його і почали говорити йому про те, кого шукають, просячи його допомоги й обіцяючи велику платню. Але святий Євстахій, одразу впізнавши своїх друзів, не відкривав їм свого імені. Він привів їх у дім свого господаря і нагодував. Придивляючись до нього, подорожні помітили, що він дуже схожий на їхнього полководця, а коли побачили на його шиї особливу прикмету — слід від глибокої бойової рани, зрозуміли, що перед ними — їхній друг. Вони обійняли його зі сльозами і розповіли, навіщо шукали його.
Святий Євстахій повернувся до Риму і знову став імператорським воєначальником. Багато новобранців прийшло до нього у військо, і не відав він, що два молодих воїни-друзі, яким він часто давав накази і яких полюбив за спритність та сміливість, були його сини, і вони не знали, що служать під началом свого батька і що один одному вони — рідні брати.
Одного разу в поході військо, яке вів Євстахій, зупинилося в одному селищі. Воїни-брати розмовляли в наметі. Старший розповідав про свою долю: як він втратив матір і нещасного брата, як жахливим чином був розлучений із батьком. І молодший із радістю зрозумів, що перед ним його брат, і повідав про себе. Розмову воїнів чула жінка, біля будинку якої було розкинуто намет, — це була їхня мати. Вона зрозуміла, що це її сини. Ще не відкриваючись їм, але дуже бажаючи з ними не розлучатися, вона прийшла до їхнього начальника — святого Євстахія просити дозволу слідувати з його військом. У ньому вона впізнала свого чоловіка і в сльозах розповіла йому про себе та про двох воїнів, які виявилися їхніми синами. Так, з великого милосердя Господа, зустрілася вся сім’я.
До цього часу перемогою закінчилася війна. З почестями і славою повернувся святий Євстахій до Риму. Наступником померлого імператора Траяна став тепер Адріан (117–138), який побажав відсвяткувати події урочистим жертвоприношенням богам. До подиву всіх, у капищі не виявилося святого Євстахія. За велінням імператора його терміново розшукали. «Чому ти не хочеш поклонитися богам? — запитав імператор. — Тобі раніше за інших належало б віддати їм подяку. Вони не тільки зберегли тебе на війні і дарували перемогу, а й допомогли знайти дружину і дітей».
Святий Євстахій відповів: «Я — християнин і знаю Єдиного Бога мого Ісуса Христа, Його шаную і дякую, і поклоняюся Йому. Він усе дарував мені: здоров’я, перемогу, повернув сім’ю і послав Свою допомогу на подолання випробувань».
У гніві імператор розжалував прославленого полководця і викликав його із сім’єю на суд. Але і там не вдалося твердих сповідників Христових схилити до ідольського жертвоприношення. Усе сімейство святого Євстахія було засуджено на розтерзання звірами. Але звірі не чіпали святих мучеників. Тоді жорстокий імператор у люті наказав кинути всіх живими в розпеченого мідного бика, в якому і прийняли мученицьку кончину святі Євстахій, його дружина Теопістія та їхні сини Агапій і Теопіст.
Коли через три дні відкрили вогняну могилу, тіла святих мучеників були знайдені неушкодженими — жодна волосина не згоріла на їхніх головах, а обличчя сяяли неземною красою. Багато хто, побачивши чудо, увірував у Христа. Християни віддали погребінню чесні тіла святих .
Євстафію Плакиді, великомученику
Кондак 1
Избранному воеводе, к лику святых сопричтенному, святому Евстафию Плакиде песни похвальныя приносим ныне. Ты же, великомучениче, огнем мучений в покой небесный вшедый, от огня страстей и всяких нас бед свободи, со упованием тебе зовущих: Радуйся, великомучениче Евстафие, молитвенниче о душах наших.
Икос 1
Ангелов Владыка и человеков Творец хотяй всем спастися и в разум истины приити, в дивнем образе явися тебе, Евстафие, егда над главою еленя Крест и на нем подобие распятаго за ны Господа Иисуса Христа узрел еси.Ты же глас Христов: «Почто гониши Мя, Плакидо?» во изумлении слышав, в страсе вопрошал еси: «Кто Ты, Господи, ко мне рекий?» И уведев, яко Той есть Иисус Христос, пришедый грешныя спасти, истинным Богом Того исповедал еси. Мы же, таковому твоему обращению к вере истинней чудящеся, взываем сице:
Радуйся, из среды нечестивых Господем изведенный.
Радуйся, на путь спасительный Им наставленный.
Радуйся, всем сердцем Творца возлюбивый.
Радуйся, огнь страстей в себе угасивый.
Радуйся, яко за имя Сладчайшаго Иисуса страдания велия претерпел еси.
Радуйся, яко верен Ему даже до смерти лютыя пребыл еси.
Радуйся, венцем мученическим главу свою украсивый.
Радуйся, райския сладости со святыми вкусивый.
Радуйся, великомучениче Евстафие, молитвенниче о душах наших.
Кондак 2
Видя Господь сердца твоего чистоту и велие милосердие ко всем бедствующим и страждущим, не остави тя во мраке идолослужения пребывати, обаче светом веры Христовы тя просвети, да, познав истиннаго Бога, со всеми праведными воспоеши Ему: Аллилуиа.
Икос 2
Разум богопросвещен имея и гласом Божественным свыше наставленный, святе Евстафие, яко мудрая глава дому своему, ко спасительней вере и святому Крещению привел еси вся живущия в нем. Сего ради восхваляем тя, глаголюще:
Радуйся, истину Божественную возлюбивый.
Радуйся, милостыню Христа ради творивый.
Радуйся, образ жития праведнаго нам показуяй.
Радуйся, раны греховныя искусно врачуяй.
Радуйся, яко верных к прославлению Господа воздвизаеши.
Радуйся, яко любве к Богу и ближним нас научаеши.
Радуйся, сладкогласный Христов проповедниче.
Радуйся, Горняго Царствия со святыми наследниче.
Радуйся, великомучениче Евстафие, молитвенниче о душах наших.
Кондак 3
Силою Божественныя любве укрепляеми, святии мученицы Евстафие и Феопистие, со смирением и терпением вся беды и напасти претерпели есте, упование свое на единаго Господа возлагая, с верою поюще Ему: Аллилуиа.
Икос 3
Имущи в сердце своем желание Единому Господу верно служити, дом твой оставил еси, Евстафие, и по морю во Египет со всем семейством устремился еси. Таковому смирению твоему и упованию на Промысл Божий дивящеся, приносим ти похвалы сицевыя:
Радуйся, яко нас ради обнищавшему Господеви уподобился еси.
Радуйся, яко подражаяй Святому Семейству, во Египет бежал еси.
Радуйся, веру велию во Христа в сердце своем имевый.
Радуйся, вся скорби мужественно претерпевый.
Радуйся, сущим в нуждах и скорбех скорый помощниче.
Радуйся, душ наших добрый наставниче.
Радуйся, Крест Христов в сердце своем начертавый.
Радуйся, безропотным несением креста своего путь спасительный нам показавый.
Радуйся, великомучениче Евстафие, молитвенниче о душах наших.
Кондак 4
Бурю лютых гонений и бед воздвиже на тя враг рода человеческаго, великомучениче Евстафие: ты же, яко Иов Многострадальный, вся лишения низпосылаемыя тебе, безропотно приемля, укреплявшему тя Богу взывал еси: Аллилуиа.
Икос 4
Слыша Господь молитвы твоя к Нему возносимыя, помощь и утешение милостиво подаваше тебе, Евстафие; ты же, любовию к Богу и ближним распаляяся, скорбь о лишении супружницы и чад своих со смирением и кротостию претерпевал еси, за вся Бога благодаряще. Мы же, таковому твоему терпению удивляяся, со умилением воспеваем ти:
Радуйся, веры непоколебимый столпе.
Радуйся, христиан несокрушимый щите.
Радуйся, неоскудеваемое чудес сокровище.
Радуйся, неисчерпаемый исцелений источниче.
Радуйся, яко верных во благочестии укрепляеши.
Радуйся, яко вся скорби со смирением претерпевати научаеши.
Радуйся, вместилищем дарований Божиих на земли бывый.
Радуйся, добродетельным житием Царствие Небесное стяжавый.
Радуйся, великомучениче Евстафие, молитвенниче о душах наших.
Кондак 5
Боготечною звездою, приводящею к познанию жития смиренномудреннаго показался еси, великомучениче Евстафие: в стране чуждей многия лета, доблестный воевода сый, в услужении господину своему во смирении пребывал еси, непрестанно поя: Аллилуиа.
Икос 5
Видяще веру, терпение и благодарение твое за вся, досточудне Евстафие, умиляемся и, чтуще любовию святую память твою, вопием ти сице:
Радуйся, земнаго отечествия мужественный защитниче.
Радуйся, небесных селений достойный наследниче.
Радуйся, яко Господа Помощником выну имел еси.
Радуйся, яко жития твоего за други своя не щадил еси.
Радуйся, пред Богом наш теплый ходатаю.
Радуйся, о душах наших скорый предстателю.
Радуйся, у Престола Божия о нас усердно моляйся.
Радуйся, о призывающих имя твое непрестанно пекийся.
Радуйся, великомучениче Евстафие, молитвенниче о душах наших.
Кондак 6
Проповедник веры во Христа словом и делом явился еси, святый мучениче, добродетельным житием своим многия идолопоклонники светом истины Христовы просвещая и истинному Богу пети всех научая: Аллилуиа.
Икос 6
Возсия свет радости велия, Господем милостивно тебе ниспосланныя, Евстафие славне, егда по мнозех летех семейство твое паки вкупе соединися. Воспевая дивное Промышление Божие, на тебе и сродницех твоих явленное, зовем ти:
Радуйся, благочестием твоим Христу угодивый.
Радуйся, велие дерзновение к Нему стяжавый.
Радуйся, сугубыя благодати от Царя славы сподобивыйся.
Радуйся, венцем мученическим от него венчанный.
Радуйся, Святыя Церкви бисере драгий.
Радуйся, воине Христов непобедимый.
Радуйся, богатства мира сего ни во чтоже вменивый.
Радуйся, от Господа небесную славу улучивый.
Радуйся, великомучениче Евстафие, молитвенниче о душах наших.
Кондак 7
Хотяй нечестивый Адриан жертву идолом принести, повеле ти, Евстафие, сим поклонитися, мняше бо, яко тии тебе победу на враги дароваша; ты же отвещал еси ему, яко христианин еси и единому истинному Богу – Иисусу Христу верно покланяешися, выну воспевая Ему: Аллилуиа.
Икос 7
Новое зло показа служитель врага рода человеческаго Адриан, егда в безумнем гневе своем повеле тя с женою и чады твоими на растерзание зверем предати; обаче не возможе вреда вам сотворити: зверие бо лютии кротции соделашася, благодатию Божиею усмиряеми. Сего ради, прославляя Господа, дивнаго во святых Своих, с любовию вопием ти:
Радуйся, исповеданием Бога истиннаго нечестивыя посрамивый.
Радуйся, прещения мучителя ни во чтоже вменивый.
Радуйся, идольскаго служения искоренителю.
Радуйся, христианскаго благочестия насадителю.
Радуйся, прелесть бесовскую обличивый.
Радуйся, подвиг мученический добре совершивый.
Радуйся, душу свою, во еже спасти ю, Христа ради погубивый.
Радуйся, во Царствии Небеснем наследие со святыми улучивый.
Радуйся, великомучениче Евстафие, молитвенниче о душах наших.
Кондак 8
Странно бе видети и слышати неверующим во Христа и неведущим силы Божия, како в немощнем человечестем телеси таковыя муки за Христа претерпевати возможно: был бо еси, многострадальне Евстафие, по повелению нечестиваго игемона, ввержен с супружницею и чадами в раскаленнаго меднаго вола, в немже вы, муки тяжкия претерпевая, воспевали есте Богу: Аллилуиа.
Икос 8
Весь радости божественныя исполнился еси, святый мучениче, и, любовию ко Христу Господу горя, на смерть за имя Христово мужественне потекл еси. Мы же, страдания твоя и присных твоих воспоминающе и велие терпение ваше похваляюще, глаголем:
Радуйтеся, истиннаго Бога проповедницы.
Радуйтеся, теплии к Богу молитвенницы.
Радуйтеся, верою крепкою Христу последовавшии.
Радуйтеся, смертию мученическою Христови спогребшиися.
Радуйтеся, в радость Господа своего вшедшии.
Радуйтеся, скорбьми многими живот вечный наследовавшии.
Радуйтеся, яко райския двери вам отверзошася.
Радуйтеся, яко в селениих праведных на веки водворишася.
Радуйся, великомучениче Евстафие, молитвенниче о душах наших.
Кондак 9
Видевше вернии, яко телеса ваша, мученицы всехвальнии, невредимы во огни обретошася, восхвалиша Бога, прославляющаго святыя Своя, и припадающе ко святым мощем вашим, песнь надгробную воспеша: Аллилуиа.
Икос 9
Ветии многовещаннии не возмогут достойныя похвалы изрещи вам, святии мученицы, и познати силу Христову, еюже вы, яко бронею облекошася. Мы же, похваляя подвиги страданий ваших, ихже за веру Христову мужественне претерпели есте, воспеваем вам таковая:
Радуйся, Евстафие, семейств благочестивых укрепление.
Радуйся, домашния церкви утверждение.
Радуйся, Феопистие, жен и матерей похвало.
Радуйся, брака христианскаго диадимо.
Радуйся, Агапие, родителей добродетельных утешение.
Радуйся, целомудреннаго жития украшение.
Радуйся, Феописте, с присными твоими на пир Господень призванный.
Радуйся, с ними Царем славы венцем мученическим увенчанный.
Радуйся, великомучениче Евстафие, молитвенниче о душах наших.
Кондак 10
Хотяй Господь Иисус Христос прославити вас, святии мученицы Евстафие, Феопистие, Агапие и Феописте, внуши святому Константину церковь на месте мученическия кончины вашея создати, да вси притекающии к многоцелебным мощем вашим, помощь скорую от вас восприимут, вопиюще Богу: Аллилуиа.
Икос 10
Стену заступления от всяких бед и напастей, обретше вас, всехвальнии мученицы, Отцу Небесному благодарение усердно возсылаем за вся благодеяния Его, вами нам, недостойным, являемая; вам же, теплым молитвенником нашим, сицевое приносим пение:
Радуйтеся, Церкви Христовы столпи непоколебимии.
Радуйтеся, любовию Христовою соединеннии.
Радуйтеся, Ангелов Божиих на небесех собеседницы.
Радуйтеся, призывающих вас на земли скории помощницы.
Радуйтеся, Царствия Христова надежнии нам ходатаи.
Радуйтеся, теплии о нас к Богу предстателие.
Радуйтеся, и по смерти вашей нас не оставляющии.
Радуйтеся, на пути спасения нас руководствующии.
Радуйся, великомучениче Евстафие, молитвенниче о душах наших.
Кондак 11
Пение всеумиленное, ныне нами приносимое, приимите, мученицы святии, вы бо, в жертву благоуханную Господеви себе принесши, воспевали есте ему до последняго издыхания вашего песнь: Аллилуиа.
Икос 11
Светозарныя звезды явилися есте на небе церковнем, мученицы всехвальнии, среди коих и ты, Евстафие всехвальне, светло сияеши; сего ради приими от нас похвалы сия:
Радуйся, яко славу Трисияннаго Божества лицем к лицу зриши.
Радуйся, яко и нам светом Божественныя истины просветитися тщишися.
Радуйся, верныя на путь спасения направляяй.
Радуйся, грешныя на покаяние наставляяй.
Радуйся, яко мощами твоими чудеса источаеши.
Радуйся, яко в храмех, созданных на прославление имене твоего, незримо обитаеши.
Радуйся, странствующих невидимый спутниче.
Радуйся, всех призывающих тя скорый помощниче.
Радуйся, великомучениче Евстафие, молитвенниче о душах наших.
Кондак 12
Благодать, данную ти от Бога, ведуще, страстотерпче Христов Евстафие, с благоговением и любовию покланяемся многоцелебным мощем твоим, от нихже в недузех исцеление и в скорбех утешение приемлем: темже и по достоянию прославляем тя, заступника нашего небеснаго, воспевая о тебе Господеви: Аллилуиа.
Икос 12
Поюще многая и преславная чудеса твоя, великомучениче Евстафие, ублажаем тя купно с супружницею и чады твоими, яко заступников и молитвенников наших пред Богом, и молим тя: буди нам во всем ко благу помощник, усердно взывающим ти:
Радуйся, мучеников высокая похвало.
Радуйся, исповедников многопетая славо.
Радуйся, различныя болезни исцеляяй.
Радуйся, в недузех облегчение даруяй.
Радуйся, братолюбия наставниче.
Радуйся, покаяния проповедниче.
Радуйся, с небес на нас призираяй.
Радуйся, невидимо нам помогаяй.
Радуйся, великомучениче Евстафие, молитвенниче о душах наших.
Кондак 13
О всехвальный великомучениче Христов Евстафие, приими от нас похвалы сия, с любовию тебе приносимыя, и предстательством твоим у Престола Господа Вседержителя испроси нам от всех недуг душевных и телесных, от враг видимых и невидимых и мук вечных избавление, да купно с тобою в будущем веце воспоем Богу: Аллилуиа.
[Се́й конда́к глаго́лется три́жды.] [Далее повторяем 1‑е икос и кондак:]
Икос 1
Ангелов Владыка и человеков Творец хотяй всем спастися и в разум истины приити, в дивнем образе явися тебе, Евстафие, егда над главою еленя Крест и на нем подобие распятаго за ны Господа Иисуса Христа узрел еси.Ты же глас Христов: «Почто гониши Мя, Плакидо?» во изумлении слышав, в страсе вопрошал еси: «Кто Ты, Господи, ко мне рекий?» И уведев, яко Той есть Иисус Христос, пришедый грешныя спасти, истинным Богом Того исповедал еси. Мы же, таковому твоему обращению к вере истинней чудящеся, взываем сице:
Радуйся, из среды нечестивых Господем изведенный.
Радуйся, на путь спасительный Им наставленный.
Радуйся, всем сердцем Творца возлюбивый.
Радуйся, огнь страстей в себе угасивый.
Радуйся, яко за имя Сладчайшаго Иисуса страдания велия претерпел еси.
Радуйся, яко верен Ему даже до смерти лютыя пребыл еси.
Радуйся, венцем мученическим главу свою украсивый.
Радуйся, райския сладости со святыми вкусивый.
Радуйся, великомучениче Евстафие, молитвенниче о душах наших.
Кондак 1
Избранному воеводе, к лику святых сопричтенному, святому Евстафию Плакиде песни похвальныя приносим ныне. Ты же, великомучениче, огнем мучений в покой небесный вшедый, от огня страстей и всяких нас бед свободи, со упованием тебе зовущих: Радуйся, великомучениче Евстафие, молитвенниче о душах наших.
Молитва
О преславный, святый и многострадальный великомучениче Христов Евстафие! Услыши нас грешных и недостойных, святую память твою празднующих. Испроси нам у Господа многомощными молитвами твоими благодать, яже ко спасению, и всех грехов, содеянных нами, прощение, земли благоплодие, миру мирное устроение и от лютых диавольских козней свобождение, христианскую кончину жития нашего и немятежное чрез воздушныя мытарства к небеси прехождение, ты бо приял еси благодать сию от Господа, еже молитися за ны, и аще восхощеши помощи нам, почитающим священную память твою, вся можеши сотворити. Не презри убо нас, недостойных, страстотерпче святый, и испроси от Господа вся благая и полезная душам нашим, яко да и мы сподобимся славити и воспевати всесвятое и великолепое имя Его во премирном Царствии Небеснем, идеже есть всех святых жилище, во веки веков. Аминь.